NRK Meny
Normal

RBK-spelarane tente best – Molde med flest «millionærar»

Spelarane i Molde og Rosenborg er i ein eigen inntektsdivisjon, viser skattetala for 2014. Odd må nøye seg med mindre enn halvparten.

Mikkel "Mix" Diskerud

TENTE MEST: Mikkel Diskerud tente best i fjor

Foto: Grøtt, Vegard / NTB scanpix

Det går fram av skattelistene som vart offentleggjorde i dag. Molde vann både serie og cup i fjor, Rosenborg tok sølv i serien.

Odd tok seriebronse og nådde cupfinalen. Men Telemarks-laget er likevel ein divisjon under dei to andre når det gjeld pengar. Dei best betalte spelarane der tente under halvparten av det Molde- og Rosenborg-spelarane tente.

17 Molde-millionærar

Heile 17 av spelarane i Molde-troppen i av 2014-sesongen står oppført med meir enn ein million i inntekt for i fjor. Veteranen Daniel Berg Hestad bikka så vidt tre millionar, og fem andre hadde meir enn to millionar i skattbar inntekt.

Av dei som var på banen eller benken i Rosenborgs kampar i fjor, hadde 12 ei inntekt på meir enn ein million kroner.

Tre av dei tente meir enn Daniel Berg Hestad. Mikkel Diskerud tronar på toppen med heile 4,5 millionar i inntekt. Også Tore Reginiussen og Riku Riski tente betre enn Moldes beste.

Dobbelt så mykje som Odd-spelarane

Lars-Kristian Eriksen

BEST BETALT I ODD: Med 1,7 mill kr er Lars-Kristian Eriksen Odd-spelaren med høgast inntekt. Men dei beste i Odd tener under halvparten av sine kollegaer i Molde og Rosenborg

Foto: Teigen, Trond Reidar / NTB scanpix

Derfor er også gjennomsnittsinntekta for dei beste i Rosenborg vesentleg høgare enn hos Double-vinnaren i fjor. Dei ti Rosenborg-spelarane med høgast inntekt har 2.739.183 kroner i snitt. Tilsvarande tal for Molde er 2.242.913 kroner.

Dei ti best betalte Odd-spelarane måtte nøye seg med ein dryg million i snitt – 1.012.549 kroner, for å vere nøyaktig.

Lars-Kristian Eriksen er den med suverent mest inntekt. Fem av Odd-spelarane bikka millionen, Eriksen kom opp i 1,7 millionar.

Summane er den totale inntekta spelarane hadde i 2014 – som ikkje nødvendigvis berre er lønn, men også bonusar og inntekter i samband med kontraktsforlengingar og klubbskifte.

Dei ti med høgast inntekt i desse tre klubbane:

Rosenborg:

  • Mikkel Diskerud 4.545.379
  • Stefan Strandberg 3.925.551
  • Tore Reginiussen 3.867.409
  • Riku Riski 3.024.583
  • Tobias Mikkelsen 2.461.001
  • Mike Jensen 2.321.975
  • Mikael Dorsin 2.175.422
  • Alexander Søderlund 2.136.796
  • Jonas Svensson 1.882.621
  • Jørgen Skjelvik 1.596.446

Sum: 27.937.183

Molde:

  • Daniel Berg Hestad 3.055.744
  • Even Hovland 2.681.139
  • Björn Bergmann Sigurdarson 2.546.246
  • Vegard Forren 2.225.574
  • Harmeet Singh 2.201.478
  • Emmanuel Ekpo 2.106.751
  • Seydina Keita 1.777.788
  • Joona Toivio 1.718.899
  • Ørjan Nyland 1.429.750
  • Daniel Chima Chukwu 1.374.140

Sum: 22.429.135

Odd:

  • Lars-Kristian Eriksen 1.720.370
  • Steffen Hagen 1.350.099
  • Jone Samuelsen 1.076.210
  • Frode Johnsen 1.065.530
  • Andre Hansen 1.009.100
  • Fredrik Nordkvelle 992.152
  • Bentley 763.675
  • Fredrik Olderup Jensen 744.193
  • Christer Kleiven 702.919
  • Ole Jørgen Halvorsen 701.242

Sum: 10.125.490

Fotballnyheter

Videoklipp

Se alle målene her.
Se alle målene her.
Se alle målene fra kampen mellom Manchester United og Basel.