NRK Meny
Normal

Høgli: – Eg er klar for Ungarn-kampane

KØBENHAVN: (NRK) Tom Høgli trengde berre ein omgang i treningskampen for å vise at han er frisk nok til å spele dei to playoff-kampane mot Ungarn om halvanna veke.

Tom Høgli

FRISKMELDT: Allereie i pausen av treningskampen i København blei Tom Høgli erklært friskmeldt frå ryggskaden som har heldt han ute frå fotballbanen dei siste vekene.

Foto: Grøtt, Vegard Wivestad / NTB scanpix

Eg hadde aldri drøymt om at eg skulle spele kamp etter fem veker.

Ein smilande Tom Høgli møter NRK rett etter treningskampen som blei sett opp eine og aleine for å få testa landslagsspelaren før dei to playoff-kampane mot Ungarn.

Dei siste vekene har 31-åringen vore ute med eit brot i ein ryggvirvel og nå hasta det med å bli klar før landslagstroppen blir tatt ut i morgon.

I kveld trengde Høgli berre ein omgang på å overtyde FC Københavns medisinske team.

– Me har erklært han frisk så han er klar til å spele i helga og klar for landslaget, seier FC Københavns medisinske ansvarlege, David Cosgrave til NRK i pausen.

Høgli klar

STORFORNØGD: Tom Høgli hadde aldri trudd han skulle spele kamp så kort tid etter brotet i ryggen.

Foto: Emil Gukild

Tilbake ei veke før han trudde.

Før kampen trudde ikkje Høgli han kom til å spele 90 minutt av treningskampen mot 1.-divisjonslaget mot Helsingør. Men da dommaren blåste av for fullt tid og 2-1 sigeren var eit faktum, var Høgli framleis på banen.

– Det blei meir enn forventa. Det hadde eg ikkje trudd på førehand, veldig artig å vere tilbake, seier Høgli som blei skada i slutten av september og rekna med å vere ute i seks veker.

– Kjente du ikkje noko til skaden?

– Jo, dei siste 25 minutta begynte eg å stivne litt i ryggen. Det var då eg eigentleg skulle bli bytta ut, men eg følte på meg at det her kunne gå greitt. Det her ser veldig oppløftande ut

.

Høgli i treningskamp

TILBAKE: Tom Høgli blei takla stygt i seriekampen mot Brøndby i slutten av september. I dag var han tilbake.

Foto: Emil Gukild

Reknar med å vere klar

Til helga reknar Høgli med å vere tilbake i den kvite FCK-drakta. Med dei svært viktige playoff-kampane mot Ungarn halvanna veke unna har nordlendingen håp om å få spele også dei.

– Om eg spelar veit eg ikkje, men eg er iallfall klar til å bli tatt ut og kan vere eit alternativ. Nå føler eg meg klar til å spele, men viss eg føler det ikkje er forsvarleg så seier eg ifrå.

– Du stod på dagens eksamen?

– Ja, godkjent pluss, smiler landslagsbacken.

Fotballnyheter

Videoklipp

En viktig scoring for Norge av Martin Ødegaard mot Irland.
Se alle målene her.
Se alle målene her.