NRK Meny
Normal

- Vi er litt slitne

- Det er klart det røyner på å spele søndag-onsdag-søndag i vekevis. Men kampen mot Linfield skal gå bra.

Nils Arne Eggen

Nils Arne Eggen vedgår at spelarane er slitne, men ser ingen dramatikk i det

Foto: Geir Otto Johansen / SCANPIX

Det seier Rosenborg-trenar Nils Arne Eggen. Det har ikkje gått heilt på skinner for Rosenborg i dei siste kampane, med 0-0 mot Linfield i mesterliga-kvalifisering onsdag og 1-1 mot Odd heime på Lerkendal søndag.

Men Eggen ser ikkje svart på det.

- Per (Skjelbred) heldt lenger enn eg trudde. Og når vi får på plass han Rade (Prica), blir formasjonen ein annan, seier Eggen til NRK.

Han ser svake punkt ved troppen.

- Vi har for få gjennomløparar. Vi har både Morten (Moldskred) og Trond (Olsen). Men Morten kom ikkje innpå i dag, fordi det var to stykke som måtte ut Anthony (Annan) rekna eg også med skulle bytast ut, men han måtte stå kampen ut. Eg håper det ikkje sit for mykje i muskulaturen, seier Eggen.

Mikael Dorsin er samd med sjefen.

- Vi er kanskje slitne, men slike periodar med kampar der ikkje alt stemmer, har vi uansett. Vi kan ikkje skulde på slitasje, seier Dorsin.

- Kor gjerne ser du at Price spelar onsdag?

- Kor gjerne? Det er eg som bestemmer, og han blir sikkert bra, seier Eggen.

Fotballnyheter

Videoklipp

En viktig scoring for Norge av Martin Ødegaard mot Irland.
Se alle målene her.
Se alle målene her.