- Les alle høgdepunkta frå OL-natta, litt lengre nede i artikkelen.
0–0 mot Sør-Afrika, 0–0 mot Irak. Langt under forventningane til folket, som svarte med å pipe laget av bana etter sistnemnde kamp.
Men mot Danmark leverte dei sambafotballen som ein heil nasjon forventar av dei. I hovudrolla, to 19-åringar med namn Gabriel.
For først etter 26 minutt var det Gabriel Barbosa som kriga inn 1–0 i feltet, før han fann Gabriel Jesus med eit innlegg fem minutt før pause, som dobla leiinga til 2–0. Fem minutt etter kvilen sørga Luan for 3–0, før Gabriel Barbosa scora 4–0, ti minutt før slutt.
Brasil er med det vidare til kvartfinalen, der dei møter Colombia. Danmark kom seg også vidare og møter Nigeria. Sverige tapte 1–0 for Japan og er med det slått ut i gruppespelet.
- Les også:
ENDELEG: Dette har den brasilianske fotballfansen venta på i over 200 minutt, scoringar frå laget deira.
Foto: FERNANDO DONASCI / ReutersHeldt pusten
Men det var ikkje berre gode nyheiter for Brasil. Med 20 minutt att på kampuret fekk Neymar ein stygg overtråkk og vart liggande og vri seg i smerter.
Heldigvis kom han seg på beina att, men mange på tribunen hadde sikkert kvartfinalen frå VM i 2014 friskt i minne, då stjerna måtte ut med skade og ikkje kunne spela meir i meisterskapen.
