I VM i Seefeld skal det delast ut 22 medaljar av gull. Noreg kan minst ta 12 av dei, spår NRK sin ekspertar. For ordens skyld: I Lahti 2017 blei det sju gull på Noreg, mens det i Falun 2015 enda med 11 gullmedaljar.
– Det som er heilt sikkert er at vi er medaljekandidat på alle distansar i langrenn, seier NRK sin langrennsekspert Fredrik Aukland.
Vi har bedt NRK-ekspertane Fredrik Aukland (langrenn), Fred Børre Lundberg (kombinert) og Johan Remen Evensen (hopp) gi sin vurdering av gullsjansane i VM.
Langrenn, sprint, menn: Norsk gull
- Favoritt: Johannes Høsflot Klæbo.
- Aukland: – Johannes er klar favoritt og eg vil spå dette som ein av dei sikraste gullkorta i dette VM.
- Utfordrarar: Federico Pellegrino (Italia).
- Aukland: – Han kan bli den store overraskinga og har synt veldig god form i det siste.
Langrenn, sprint, kvinner: Svensk gull
- Favoritt: Stina Nilsson (Sverige).
- Aukland: – Dei svenske jentene har dominert sprintlangrennet denne vinteren. Og det er ein situasjon vi ikkje er vant med.
- Utfordrarar: Maiken Caspersen Falla og Kristine Stavås Skistad (Noreg).
- Aukland: – Falle må heve seg om ho skal slå Nilsson, og så har vi eit spanande kort med ungjenta Skistad.
Langrenn, 30 km med skibyte, menn: Russisk gull
- Favoritt: Sergej Ustjugov (Russland).
- Aukland: – Dette er nok ein av dei øvingane som er vanskelegast å spå. Det er veldig mange som kan gjere det bra her. Men eg fryktar russaren kjem til å gå veldig raskt.
- Utfordrar: Johannes Høsflot Klæbo.
- Aukland: – Av dei norske er også Sjur Røthe, Emil Iversen og Martin Johnsrud Sundby medaljekandidatar.
Langrenn, 15 km med skibyte, kvinner: Norsk gull
- Favoritt: Therese Johaug.
- Aukland: – Therese må tole og vere favoritt også i denne øvinga. Ingvild Flugstad Østberg kjem også til å kjempe om pallen.
- Utfordrarar: Ebba Andersson (Sverige) og Krista Pärmäkoski (Finland)
- Aukland: – Fleire sterke namn som kan kjempe om medalje her.
Langrenn, lagsprint, menn: Norsk gull
- Favoritt: Noreg.
- Aukland: – Med Johannes og Iversen på laget er vi medaljefavoritt.
- Utfordrarar: Russland.
- Aukland: – Det er eit kort oppløp på denne distansen og det gjere at russarane kan bli ein stor trussel.
Langrenn, lagsprint, menn: Svensk gull
- Favoritt: Sverige.
- Utfordrar: Noreg.
- Aukland: – Eg trur det kjem til å stå mellom Noreg, Sverige og Russland, men dei svenske damene har vist seg å vere sterkare enn vi har trudd i år, så eg held på dei som favoritt.
Langrenn, 15 km klassisk, menn: Russisk eller finsk gull
- Favoritt: Aleksandr Bolsjunov (Russland) og Iivo Niskanen (Finland)
- Aukland: – Eg trur russaren og finnen blir sterke her.
- Utfordrarar: Johannes Høsflot Klæbo, Emil Iversen, Martin Johnsrud Sundby og Didrik Tønseth
- Aukland: – Eg trur vi får ein nordmann på pallen, men usikker på kven det blir.
Langrenn, 10 km klassisk, kvinner: Norsk gull
- Favoritt: Therese Johaug.
- Aukland: – Her er Therese soleklar favoritt. Dette vil eg sei er den sikraste VM-medaljen vi har.
- Utfordrarar: Ingvild Flugstad Østberg, Ebba Andersson (Sverige) og Krista Pärmäkoski (Finland).
- Aukland: – Dette blir ein kamp om sølv og bronse, og det kan bli dobbelt norsk.
Langrenn, stafett, menn: Norsk gull
- Favoritt: Noreg.
- Utfordrarar: Russland.
- Aukland: – Det står mellom Noreg og Russland og det er veldig vanskeleg å peike ut ein soleklar favoritt. Sverige, Finland og Frankrike er også utfordrarar.
Langrenn, stafett, kvinner: Norsk gull
- Favoritt: Noreg.
- Utfordrar: Sverige og Russland.
- Aukland: – Her må vi nok tole og vere gullfavoritt. Dei svenske damene er nok vår største utfordrar, tett følgt av det russiske laget. Finland kan og bli sterke.
Langrenn, 30 km, kvinner: Norsk gull
- Favoritt: Therese Johaug.
- Aukland: – Eg er sikker på at Therese kjem til å vinne.
- Utfordrar: Charlotte Kalla (Sverige), Ragnhild Haga
- Aukland: – Veldig spent på kva Haga kan få til her.
Langrenn, 50 km, menn: Norsk gull
- Favoritt: Sjur Røthe
- Aukland: – Sjur har vist god form og kan bli ein joker på denne distansen for Noreg. Simen Hegstad Krüger kan og gå raskt.
- Utfordrarar: Maurice Manificat (Frankrike)
- Aukland: – Franskmannen kan overraske. Her har vi og fleire russarane som kan utfordre nordmennene, men vi veit ikkje kven som skal gå enda.
Kombinert, stor bakke og langrenn 10 km: Norsk gull
- Favoritt: Jarl Magnus Riiber.
- Lundberg: – Riiber har levert stabilt i heile sesongen både i hopp og i langrenn, og har vore best i stor bakke.
- – Vi har vel aldri hatt ein klarare favoritt til å vinne VM-gull i kombinert.
- Utfordrarar: Johannes Rydzek og Eric Frenzel (Tyskland).
- Lundberg: – Det er fleire tyskarane som kan bli skumle her.
Kombinert, lagsprint: Norsk gull
- Favoritt: Noreg.
- Lundberg: Dette er ei øving vi aldri har lykkast i før, men med Jarl Magnus Riiber og Jørgen Graabak på laget er vi i år ein gullfavoritt.
- Utfordrar: Tyskland
- Lundberg: – Det blir spanande og sjå kven som blir tatt ut på det tyske laget. Dei har fire gode kandidatar å velje mellom. Her det viktig med gode hopp, for det er vanskeleg å hente så mykje meir enn 30 sekund i løypa.
Kombinert, normal bakke og langrenn: Norsk gull
- Favoritt: Jarl Magnus Riiber.
- Lundberg: – Dette er ein bakke Riiber taklar bra og som passar han godt. Trur det er viktig å sikre seg eit forsprang i bakken for Riiber her.
- Utfordrar: Fabian Riessle (Tyskland).
- Lundberg: – Riessle har ofte hoppa betre i liten bakke enn stor, og eg trur han kan bli tøff her. Men fleire tyskarar kan true dei norske gullsjansane.
Kombinert, stafett: Tysk gull
- Favoritt: Tyskland.
- Utfordrar: Noreg.
- Lundberg: – Tyskarane har fire utøvarar som har vore meir stabile enn det norske laget. Riiber og Graabak har levert, men dei andre på det norske stafettlaget har slite litt meir. Austerrike kan også bli skumle.
Hopp, storbakke, menn: Japansk gull
- Favoritt. Ryoyu Kobayashi (Japan).
- Remen Evensen: – Japanaren er min favoritt, men dei polske Kamil Stoch Dawid Kubacki og Piotr Zyla kan alle kjempe om gull. Skal heller ikkje avslå Stefan Kraft på heimebane.
- Utfordrar: Robert Johansson og Johann André Forfang
- Remen Evensen: – Finn dei norske forma, så kan dei vere med på å kjempe om pallen. .
Laghopp, menn: Polsk gull
- Favoritt: Polen
- Remen Evensen: – Denne er vrien, men alle dei polske har vore i kjempeform siste tida, så eg held ein knapp på dei som gullfavoritt.
- Utfordrarar: Tyskland
- Remen Evensen: – Det her kjem til å bli veldig spanande. I tillegg til Tyskland kan også Austerrike melde seg på her i kampen. Finn Andreas Stjernen forma, så kan og Noreg bli med å kjempe om pallplass.
Laghopp, kvinner: Tysk gull
- Favoritt: Tyskland
- Remen Evensen: – Tyskarane er nok det einaste laget som har fire stabilt gode hopparar.
- Utfordrarar: Austerrike, Slovenia, Noreg og Japan
- Remen Evensen: – Her er det ganske ope om kven som vil kjempe om dei andre pallplassane.
Hopp, normalbakke, kvinner: Norsk gull
- Favoritt: Maren Lundby.
- Remen Evensen: – Eg vil sei ho er den sterkaste favoritten i heile VM.
- Utfordrarar: Katharina Althaus og Juliane Seyfarth (Tyskland).
- Remen Evensen: – To veldig sterke tyske dame som eg trur kan bli skumle.
Hopp, normalbakke, menn: Polsk gull
- Favoritt: Dawid Kubacki (Polen).
- Remen Evensen: Han er ein krafthoppar, noko som favoriserer seg litt i mindre bakkar.
- Utfordrarar: Ryoyu Kobayashi (Japan) og Kamil Stoch (Polen).
- Remen Evensen: – Eg trur dessverre dei norske kjem til å slite, men eg tar gjerne feil.
Hopp, blanda laghopp, normalbakke: Tysk gull
- Favoritt: Tyskland.
- Remen Evensen: – Tyskland har to gode jenter som eg trur vil levere best.
- Utfordrarar: Japan, Austerrike og Noreg.
- Remen Evensen: – Japan har eit bra lag, det same har Austerrike. Polen slit dessverre med å ikkje ha dame med. Men om Maren er i toppform kan ho knuse alle.
Svaret på kor mange norske gull det faktisk blir får vi 3. mars. Då blir VM på ski i Seefeld ein del av historiebøkene.