Russlands einaste friidrettsutøvar sparka ut av OL

Darja Klisjina var den einaste russaren som skulle få delta i friidrett i OL. No er ho sparka ut.

Darja Klisjina

ANKAR; Darja Klisjina fekk først lov til å delta i OL, så blei ho utestengd. No har ho anka

Foto: © Phil Noble / Reuters / Reuters

Russland er utestengd frå all internasjonal friidrett, og får heller ikkje delta i friidrettsøvingane i OL. Årsaka er avsløringane av systematisk og omfattande statleg styrt doping i Russland i fleire år.

Mannen som leiar granskinga, Richard McLaren, seier at hans arbeid held fram, og at fleire opplysningar og fleire namn kan bli trekte inn fortløpande.

Russland hadde meldt på 68 friidrettsutøvarar til OL i Rio. 67 av dei vart avviste.

Har budd i USA i fem år

Unntaket var lengdehopparen Darja Klisjina. Ho har budd i Florida sidan 2011, har trena i USA, og har hatt jamlege dopingtestar der.

Men no har det internasjonale friidrettsforbundet ombestemt seg.

På grunn av nye opplysningar må ho likevel reise heim. IAAF fekk opplysningane for nokre dagar sidan, fortel talsmann Yannois Nikolaou til telegrambyrået Ap.

Han vil ikkje gå nærmare inn på kva dei nye opplysningane dreia seg om. Men russiske media melder at ho trass sin USA-baserte status likevel har vore innom det statsdrivne russiske dopingsystemet.

– Offer for dei som øydelegg idretten

Klisjina skulle etter planen ha deltatt under OL-flagget, ikkje under det russiske. På grunn av det, har ho fått mykje tyn på sosiale media frå russarar som kallar henne ein forrædar.

Klisjina ha anka avgjerda til den internasjonale idrettsdomstolen, CAS.

– Eg har bevist mange gonger at eg er rein, seier ho.

– Eg er eit offer for dei som skapte eit juksesystem, og som øydelegg den vakre idretten vår. Eg ankar avgjerda om å stenge ute meg frå OL til CAS, skriv ho.

Laster Twitter-innhold

Klisjina håpar på ei avgjerd innan tysdag, då kvinnenes lengdekvalifisering skal gå.

Ho tok gull i innandørs-EM både i 2011 og 2013, og har ein personleg rekord på 7,05 meter.

Den russiske OL-presidenten Alexander Zjukov kallar avgjerda «å latterleggjere ein utøvar».

– Dersom Darja er nemnd i McLaren-rapporten, må IAAF ha kjent til det lenge, seier han.

IAAF seier dei ikkje vil kommentere saka ytterlegare før etter høyringa i eit CAS-panel i morgon.

Siste nytt

  • Storsiger for Rosenborg

    Rosenborg hadde få problem med å slå Sarpsborg i eliteserien søndag kveld.

    Rosenborg tok leiinga gjennom Gjermund Åsen etter fire minutt, før Ismaila Coulibaly utlikna midtvegs i omgangen.

    Men i andre omgang var det ingen tvil om kvar poenga skulle ende. To mål frå Carlo Holse på seks minutt tok lufta frå Sarpsborg. Mål frå Kristoffer Zachariassen og Dino Islamovic fastsette resultatet til 5–1 til Rosenborg, som no er fire poeng bak Odd på 3.-plass.

    Carlo Holse
    Foto: Ole Martin Wold / Ole Martin Wold
  • Team Koteng vann 12-timarsstafetten

    Det stod lenge mellom tre lag på 12-timarsstafetten på Blinkfestivalen søndag. Til slutt var det Team Koteng, med Astrid Øyre Slind (bildet), Stian Hoelgaard, og Torleif Syrstad som var sterkast. Dei vann framfor Team Nordic Athlete og Team Ragde.

    Men det var lenge jamt mellom desse tre laga, og det var ikkje før det stod att to rundar at Hoelgaard stakk av frå dei øvrege laga. Han fekk ei komfortabel luke, og kunne juble med sitt lag etter 12 timar på rulleski.

    Astrid Øyre Slind
  • Hovland med sterk avslutning

    Viktor Hovland slo tilbake med en god sisterunde i PGA-mesterskapet i San Francisco søndag.

    Hovland senket fem birdieputter og holdt seg til bare en bogey og endte dermed fire slag under par på siste og avgjørende dag i årets første majorturnering.

    Dermed ble det til slutt en god majorturnering for Hovland, som gjør at han også kan klatre på rankinglistene der han ligger som verdens 31. beste golfspiller, før rankingen oppdateres mandag.

    ClulpEvFyFw
    Foto: Jeff Chiu / Jeff Chiu

Sendeplan

Kl. Program Kanal