NRK Meny
Normal

Christiansen om mulig OL-skandale: – Ein byrjar å lure

Fleire ekspertar meiner symjetidene i OL-bassenget er mistenkjelege. Dei meiner årsaka er unaturlege straumar i vatnet, og at det må etterforskast.

Christiansen

SIST: Henrik Christiansen enda sist i finalen på 1500 m.

Foto: Junge, Heiko / NTB scanpix

– Det er jo noko me har lagt merke til, og som er svært uvanleg for meg. Ein byrjar å lure på om det kan vere noko, seier Henrik Christiansen til NRK.

Straumar i vatnet kan ha ført til ujamne symjetider og banefordelar. Henrik Christiansen sumde konstant raskare den eine vegen enn den andre.

Forskjell på banene

No er mistankane bygd ut med forsking. Hovudteorien går ut på at bana ein sym i, gjer utslag på resultatet. Tre forskarar har sett nærmare på resultata i 50 meter fri, og funne at bane fem til åtte jamt over gir raskare tider enn bane ein til fire

Dette blir påvist av både kva bane dei som kvalifiserer seg til finale sym i, og at dei enkelte utøvarane kategorisk sym raskare når dei er i visse baner.

Det er amerikanske Joel Stager, direktør ved symjevitskapssenteret ved universitetet i Indiana, som står for dei viktigaste undersøkingane.

christiansen

MÅPTE: Slik såg Henrik Christiansen ut då han fekk vite at han var klar for finale på 1500 meter.

Foto: Ruud, Vidar / NTB scanpix

Han lanserte også liknande undersøkingar etter VM i 2013, der han meinte at det same var tilfellet.

Ujamne lengdetider

Stager får også støtte av Barry Revzin, som er skribent ved symjemenettstaden Swimswam.com. Han har registrert tidene til eit utval symjarar i OL, blant anna Henrik Christiansen.

Der meiner han å vise at tidene er utruleg ujamne, altså at dei konstant er raskare den eine vegen enn den andre. Grafane som går spist opp og ned viser den konstante endringa i tid brukt på ei lengde, etter kva veg utøvarane sym.

Laster Twitter-innhold

Christiansen sumde i bane åtte i finalen på 1500 meter, og hadde ujamne tider frå lengde til lengde.

– Eg veit ikkje kva det har å seie, men det er ikkje slik det pleier å vere for meg i løp. Eg merka derimot ikkje noko til det under løpet.

– Ingen rørsler i vatnet

Forskjellane skal vere nede på tidelsnivå, noko som kan vere utslagsgivande i fleire av disiplinane, til dømes 50 meter fri, der ein fattig hundredel skilte gull- og sølvmedaljør.

Men leverandøren av bassenga som blir brukte i OL, meiner på si side at det ikkje finst nokon straumar i OL-vatnet.

–Me har gjort testar som ikkje viser nokon rørsler i vatnet. Viss me hadde sett at det var straumar, hadde me gjort noko, men det er ingen som helst indikasjonar på det, seier Trevor Tiffany i Myrtha til Swimwortex.com.

Myrtha er dessutan også produsenten som står bak bassenga som blei kritisert under VM i 2013.

Christiansen håpar at produsenten har rett.

– Viss det er noko gale med bassenget er det ganske uheldig.

Siste nytt

  • Svindal verdenscupåpner

    11 menn og åtte kvinner er tatt ut på alpinlaget som kjører verdenscup i Canada og USA førstkommende helg. I Lake Louise er både Aksel Lund Svindal, Aleksander Aamodt Kilde og Adrian Smiseth Sejersted tilbake etter skade. Hele troppen og oversikten.

    Kjetil Jansrud, Aksel Lund Svindal og Aleksander Aamodt Kilde feirer trippelseieren i Val Gardena
    Foto: ALESSANDRO GAROFALO / Reuters
  • "Lord Bendtner" fekk stemma

    Biletet av denne stemmesetelen går Danmark rundt:

    Jonas Pedersen fann ingen namn han likte på nokon av listene ved lokalvalet. Så han tok pennen i eigne he nder og gav si stemme til Rosenborgs "Lord Bendtner".

    – Hans fanesaker ville ha blitt fotballtrening for alle, og eit eige målakademi, seier Pedersen til Ekstrabladet.

    Laster Instagram-innhold
  • Wilbek blir borgermeister

    Den mangeårige og velkjende handballtrenar Ulrik Wilbek blir etter lokalvalet i går ny borgarmeister i Viborg, melder BT.

    Wilbek trena Danmarks kvinnelandslag med suksess i sju år og herrelandslag i ni.

    Ulrik Wilbek
    Foto: GUSTAU NACARINO / Reuters

Sendeplan

Kl. Program Kanal
RBKs pressekonferanse før kampen mot Real Sociedad