I pausen bytte nemleg Brann-trenar Lars Arne Nilsen ut Torgeir Børven ut med Jakob Orlov. Det skulle vise seg å bli avgjerande.
For det var Molde som køyrde kampen før pause, og Brann var heldig med 1–1 halvveges.
– Første omgang er Molde gode, men etter pause får vi kontroll. Og dei siste 20 minutta var vi gode. Vi er godt trent, sa Jonas Grønner til Eurosport etter kampen.
Han sette inn 2-1-målet litt ute i andre omgang, og det blei avgjerande.
– Vi får justert presset litt i andre omgang. Vi får kampen inn i vårt spor, seier Grønner.
– Men det var synd vi fekk dei to siste. Då blei ikkje eg matchvinnar, fleiper han.
– Råaste eg har sett av Jakob
Lars Arne Nilsen var ein glad mann.
– I kveld er det godt å vere Brann-trenar i Bergen. Det var eit fyrverkeri i andre omgang. Kampen i dag var ein nøkkelkamp for begge, etter litt stong ut i førre kamp.
SUPERLØP: Daniel Braaten fekk æra av å setje inn det siste målet, og det etter eit kjempeløp over halve banelengda
Foto: Marit Hommedal / NTB scanpixBytet i pausen er han svært nøgd med.
– Jakob fekk stå litt høgare. Då er vi effektive, og vi scora på første sjansen. Vi hadde mykje vilje og tæl. Og dette er noko med det råaste eg har sett av Jakob, det er gull verdt.
Solskjær: – Ikkje godt nok
– Vi var bra i første omgang, men andre var dårleg. Tre baklengsmål etter dødball er ikkje godt nok, seier Molde-trenar Ole Gunnar Solskjær.
Gjestene var best før pause, men det stod 1–1. Ruben Kristiansen avslutta ei kontring med eit praktfullt skot seks minutt før pause.
Fredrik Brustad sklei inn utlikninga tre minutt etterpå.
Kvarteret etter pausen styrte Jonas Grønner inn 2–1 på Branns første sjanse i omgangen, og Molde blei tvinga til å jage utlikning. Branns forsvar heldt likevel unna, og det gav kontringssjansar på slutten.
Superløp av veteranen
Jakob Orlov punkterte matchen med 3–1 fem minutt før ordinær tid var ute. Men det var kanskje Daniel Braatens 4-1-mål som fortente merksemd.
Brann-veteranen sprang over halve banelengda og slo Ruben Gabrielsen så vidt i duellen om Nouris innlegg, og kunne sende ballen i note.
– Det er ikkje mange som har betre spurtar enn han, seier Nilsen.
