Berisha seier truleg nei til Kosovo

BRUSSEL/OSLO (NRK): Veton og Valon Berisha har vore usikre på om dei skal halde fram på det norske landslaget, men no kjem yngstebroren med ei gladmelding til landslagssjef Per-Mathias Høgmo.

Veton Berisha

JUBEL: Veton Berisha jublar etter å banka inn sitt første landslagsmål for Norge.

Foto: Poppe, Cornelius / NTB scanpix

– No har eg fått to kampar frå start for Norge. Det er eg godt nøgd med og eg gler meg til fortsetjinga, seier yngstebror-Berisha til NRK etter kampen mot Belgia.

– Og den blir i Norge?

– Eg trur det, svarar Berisha med eit smil.

Sidan Kosovo vart tatt opp som fullverdig medlem av både UEFA og FIFA i starten av mai, har spelarar med kosovoalbansk bakgrunn fått sjansen til å bytte landslag, sjølv om dei har spelt for andre landslag tidlegare.

Banka ballen i krysset

Kampen mot Belgia var yngstebror Vetons andre frå start med det norske flagget på brystet. Han svarte på tilliten med å banka ballen i krysset frå 16-meter i andre omgang. Scoringa sende Norge i leiinga 2–1.

– Det var eit fint mål og eg fekk fantastisk treff. Forsvarsspelarane berre rygga, og då var det berre å prøve, seier Veton om scoringa.

Det var ein stolt storebror som møtte NRK i pressesona etter kampen.

– Det gjer meg stolt. Han har jobba hardt og fortent dette, seier storebror Valon.

Berisha

BESTEMMER SEG SAMAN: Valon (t.h.) og Veton Berisha tar avgjerda om kva landslag dei skal spele på saman.

Foto: Pedersen, Terje / NTB scanpix

Han er litt meir tilbakehalden enn veslebroren på spørsmålet om dei vel Norge eller Kosovo.

– Vi har begge jobba hardt for å spela oss til fast plass på landslaget, men avgjerda om kva land vi speler for tar vi saman. Det har eg ingen kommentar til, seier Valon.

– Men Veton seier det blir Norge?

– Ja, då gjer vi det då, seier Valon og ler.

Begge eller ingen

Berisha-brørne har tidlegare sagt at dei ikkje har bestemt seg for om dei vil bytta landslag, men at dei vil ta avgjerda saman.

Landslagssjef Per-Mathias Høgmo vil ikkje love speletid til brørne for å få det til å velja Norge.

Ein som alt har bestemt seg for å ikkje spele for Norge, er Manchester City-spelar Bersant Celina. Han spelte sin første offisielle landskamp for Kosovo fredag, men vart utvist for ei dytting.

Siste nytt

  • VIF tok innpå tabelltopp Storhamar

    VIF knuste Manglerud Star 6-0 «hjemme» i Furuset Forum torsdag, mens Storhamar avga poeng og Stavanger tapte mot Lillehammer i eliteserien ishockey. VIF er nå to poeng bak serieleder Storhamar med én kamp mindre spilt.

    GET-ligaen Hockey Vålerenga Elite- Frisk Asker elite. (4-0)
    Foto: Terje Bendiksby / NTB scanpix
  • Carlsen fleipet på pressekonferanse

    Magnus Carlsen fortalte om sitt største forbilde i sjakk-historien: Seg selv for 3-4 år siden.

  • Svindal tar en ny sesong

    I dag ble det klart at Aksel Lund Svindal stiller til start i verdenscupåpningen i Lake Louise i Canada neste helg.
    – Det nærmer seg en form som det går an å stille til start i verdenscupen med, sier Svindal.

    World Cup Utfor trening
    Foto: Cornelius Poppe / NTB scanpix

Sendeplan

Kl. Program Kanal