Hopp til innhold

Meiner den norske spelaren sin drakt er diskriminerande

1. januar gjekk Rosenborg bort frå stjernene på logoen sin. Men Emilie Bragstad og Bayern München speler framleis med sine.

Emilie Bragstad

STJERNER: Norske Emilie Bragstad, som spiller for Bayern München, bruker fem stjerner over logoen.

Foto: NTB

– Det høyrest rart ut. Det burde ikkje vere sånn, seier ekspert på tysk fotball, Eivind Bisgaard Sundet, til NRK.

I Noreg har Rosenborg hatt to stjerner over logoen i over 20 år, men ved årsskiftet var det slutt. Årsaka var at Rosenborgs kvinnelag og herrelag fusjonerte til éin klubb.

Ei stjerne kan norske lag setje over logoen sin etter å ha vunne serien ti gonger. Rosenborg har to stjerner etter dei 26 seriemeisterskapane sine.

Rosenborg

GAMMAL LOGO: Slik såg Rosenborg sin logo ut før dei fusjonerte med kvinnelaget.

Før var stjernene brukte på logoen i fleire samanhengar, men i 2023 skal dei berre brukast på draktene og treningstøyet til herrelaget.

I Tyskland er regelen for stjerner over logoen litt annleis. Bayern München sitt kvinnelag kunne hatt éi stjerne etter dei fire titlane sine, men det er dei fem stjernene til mennene som blir brukt.

Bayern München trening

NORSK TRENAR: Alexander Straus er trenar for Bayern Münchens kvinnelag.

Foto: Johan Nilsson/TT / NTB

– Diskriminerande

Stjernene er ein stolt tradisjon i Tyskland. Bayern er det einaste laget med fem stjerner, men dei brukte ikkje fem stjerner før herrelaget hadde vunne sin 30. tittel.

Stjernereglane for Tyskland er følgjande:

  • Ein stjerne etter tre titlar vunne
  • To stjerner etter fem titlar vunne
  • Tre stjerner etter ti titlar vunne
  • Fire stjerner etter 20 titlar vunne
  • Fem stjerner etter 30 titlar vunne
Women's Champions League - Group D - Bayern Munich v Benfica

FEM STJERNER: Bayern-spelarane Klara Bühl, Carolin Simon og Sydney Lohmann feirar skåring mot Benfica i meisterligaen.

Foto: ANDREAS GEBERT / Reuters
Bundesliga - RB Leipzig v Bayern Munich

FEM STJERNER: Thomas Müller frå fredagens kamp mot Leipzig.

NRKs sportskommentator meiner det er ein «gammaldags» tankegang at kvinnene ikkje kan vise til merittane sine.

– Det er diskriminerande når kvinnene ikkje får lov å vise fram sine merittar, uansett om dei ikkje enda er på nivå med mennene. Det er frykteleg umoderne, seier Jan Petter Saltvedt.

Bayern München svarer

I same liga som Bayern München, den tyske Bundesliga for kvinner, bruker til dømes Wolfsburg og Frankfurt to stjerner på draktene sine. Det gjer dei på grunn av at kvinnene har vunne serien fem eller fleire gonger.

Herrelaget til Wolfsburg får ikkje lov til å bruke kvinnelaget sine to stjerner, opplyser ein talsperson for Bundesliga til NRK.

FILE PHOTO: Women's Champions League - Final - VfL Wolfsburg v Olympique Lyonnais

TO STJERNER: Danske Pernille Harder spilte med to stjerner over logen etter at kvinnelaget hadde vunne serien fem gonger. Herrene har berre vunne to. Bildet er tatt før Harder melda overgang til Chelsea.

Foto: POOL New / Reuters
Wolfsburg

NULL STJERNER: Wolfsburg og Josuha Guilavogui bruker ingen stjerner etter to titlar. Dei får ikkje lov til å bruke kvinnene sine stjerner.

Foto: RONNY HARTMANN / AFP

NRK har vore i kontakt med Bayern München, som fortel at temaet har blitt tatt opp.

– Vi har stadig diskusjonar på alle tema i klubben, inkludert spørsmålet om korleis utstyret til laga skal sjå ut. Det er allereie kome konkrete forslag på bordet, men det er for tidleg å prate om, skriv Bayern München sitt pressekontor i ein e-post til NRK.

NRK har også vore i kontakt med spelarane Emilie Bragstad og Tuva Hansen, som førebels ikkje har svart på NRKs spørsmål. Bayerns norske trenar skriv følgjande på spørsmål om stjernene er noko han har tenkt på:

– Ikkje litt eingong, slike ting reflekterer eg ikkje over, då det ikkje er viktig for meg i jobben min, skriv Alexander Straus i ei tekstmelding til NRK.

– Gjer som Rosenborg

Rosenborg-spelar Matilde Alsaker Rogde visste ikkje at kvinnelaget til Bayern München spelte med stjernene til herrane, men meiner at damene sine stjerner burde vore betre representert.

– Dei burde anten ha ingen stjerner eller at dei to laga spelte med kvar sine, sånn som vi gjer (i Rosenborg). Viss ingenting står i vegen for å gjere ting likt, burde det gjerast likt. Det er det minste ein kan forvente, seier Rogde til NRK.

Rosenborg kvinner 2021.

HADDE REAGERT: Rosenborg-spelar Matilde Alsaker Rogde.

Foto: Ole Martin Wold / NTB

– Dei er jo også éin klubb, så det gir meir meining å representere begge to på same tid. Viss eg hadde vore i ein sånn situasjon, trur eg at det er noko eg hadde stussa over i alle fall, seier ho.

Viaplay-kommentator Sundet, som har følgt tysk fotball i ein årsreke, synest det er merkeleg at Bayern Münchens kvinnelag ikkje verdset merittane til kvinnene betre.

– Det verkar jo litt rart at dei skal bruke merittane til herrane. Dei har jo vunne på eiga hand. Dette var spesielt, seier Sundet.

Saltvedt meiner Bayern München kan lære av Rosenborg.

– Kvinnene må få vist fram sine merittar og mennene sine. Det er enkelt. Viss ikkje bør dei droppe det heilt, seier Saltvedt.

Siste nytt

  • Dobbel skadesmell for Barcelona

    Den spanske fotballgiganten Barcelona opplyser at midtbaneduoen Frenkie de Jong og Pedri er utilgjengelige i tiden som kommer på grunn av skader.

    Begge spillerne pådro seg skader i første omgang av det målløse oppgjøret mot Athletic Bilbao søndag.

    De Jong skadet ankelen i det 26. minutt, og Barcelona skriver mandag at den nederlandske midtbanespilleren har fått påvist en leddbåndsskade.

    Medisinske tester viste også at Pedri pådro seg en skade i høyre lår underveis i oppgjøret. Han gikk i bakken uten at noen med- eller motspillere var i nærheten av ham.

    Det er ikke kjent hvor lenge de to midtbanestjernene blir på sidelinjen. (NTB)

    b-Lk_RBZFgk
    Foto: AP
  • KFUM skal spille på Ekeberg

    Det har lenge vært usikkerhet rundt hvor nyopprykkende KFUM skal spille hjemmekampene sine i Eliteserien.

    Intility Arena har vært lansert som et alternativ, men på egne hjemmesider opplyser KFUM at oppholdet på Vålerengas hjemmebane blir kortvarig.

    Bare første hjemmekamp blir på fremmed gress, om alt går etter planen. For KFUM har jobbet på spreng med å oppgradere banen på Ekeberg til eliteseriestandard.

    – Vi skal klare å innfri på alle de kravene som stilles til oss, lover daglig leder Thor-Erik Stenberg, som forteller at det blir nye tribuner med plass til 3300 mennesker, nye lysmaster og et nytt medietårn på anlegget.

    PetfJ2lDM-c
    Foto: NTB
  • Braathen kaller inn til pressekonferanse - varsler oppdatering

    Lucas Braathen, som la opp som alpinist før denne sesongen, har kalt inn til pressekonferanse torsdag.

    Der skal han komme med en oppdatering om skifremtiden. Det skriver en av sponsorene hans, Red Bull, i en pressemelding.

    Pressekonferansen finner sted i Salzburg i Østerrike.

    Det var i oktober i fjor en tårevåt Lucas Braathen bekreftet at han la opp i en alder av 23 år. Bakgrunnen for den overraskende avgjørelsen var en lengre konflikt med Norges Skiforbund.

    Nøyaktig hva slags oppdatering Braathen kommer med på torsdagens pressekonferanse er uvisst. Da han la opp i oktober sa han at at comeback i fremtiden «ikke føles realistisk nå».

    – Jeg skal nå ut på min egen reise og finne ut hva den neste ferden er. Og jeg er så spent på det. Og jeg er så glad for at jeg er det, sa Braathen.

    Austria Alpine Skiing World Cup Braathen
    Foto: Alessandro Trovati / AP

Sendeplan

Kl. Program Kanal