NRK Meny
Normal

Anaheim vann Stanley Cup

Anaheim Ducks tok sin første Stanley Cup i historien. Endene slo i natt eit nervøst Ottawa Senators- lag 6-2 og vann sluttspelet 4-1 samanlagt.

Anaheim Ducks med Stanley Cup
Foto: JEFF GROSS / AFP

Travis Moen skåra to av måla for dei nordamerikanske endene. 25- åringen frå Saskatchewan styrte mellom anna eit skot frå Scott Niedermayer i mål og førte heimelaget opp i 5-2 i tredje periode.

Moen fekk óg kreditert eit sjølvmål av Ottawa- målvakt Ray Emery. Tabben var eit bilete av korleis det kanadiske laget har takla finalane i sluttspelet. I natt verka spelarane nervøse og ute av fokus.

I tillegg skåra Rob Niedermayer, Andy McDonald, Corey Perry og Francois Beauchemin for vertskapet.

Nett-TV: Anaheim tok trofeet

Scott Niedermayer

Scott Niedermayer

Foto: MIKE BLAKE / REUTERS

Det var óg Scott Niedermayer som vart kåra til den mest verdifulle spelaren i finalekampane i sluttspelet.

Målvakt Jean-Sebastien Giguere hos Anaheim Ducks gjorde i alt 11 redningar i oppgjeret.

Espen Knudsen sin gamle klubb vart med dette det første laget frå California til å vinne Stanley Cup. Ducks er og den første klubben i West Coast National Hockey League som vinn den enorme pokalen i moderne tid.

Anaheim Ducks kom til finalesluttspelet i 2003, men tapte 4-3 i kampar for New Jersey Devils.

Siste nytt

  • Roerne har fått båtene til VM

    Nesten én uke forsinket kom Norges VM-båter til Miami torsdag. – Endelig skal vi få sitte i riktig båt, sier Olaf Tufte til NRK.

    Landslagets assistent Johan Lidberg har kjørt 160 mil for å hente båtene som på grunn av orkanen Irma landet i Housten, Texas i stedet for Miami.

    Nesten én uke forsinket kom Norges VM-båter til Miami.

Sendeplan

Kl. Program Kanal