«Dopinglegen» lettar på sløret: Garanterte at kundane skulle kome gjennom dopingkontrollane

Mark Schmidt, legen politiet meiner er hovudmannen bak dopingnettverket som blei rulla opp under ski-VM i fjor, har avslørt mange detaljar frå det som kan vere det største nettverket innan idrettsdoping.

Fryste blodposer

FROSE BLOD: Dette var noko av det politiet fann i Mark Schmidts laboratorium i Erfurt – posar med blod, nedfrosset til minus 80 grader

Foto: Tysk/østreriks politi

Reporterar frå den tyske tv-kanalen ARD har sett dokumenta frå avhøyra av Schmidt, og presenterte dei i ein dokumentar laurdag.

Schmidt skal sidan 2012 ha bygt opp ei omfattande kundegruppe som han forsynte med bloddoping.

Den kroatiske friidrettstrenaren Dario Nemec skal ha vore ein av nøkkelmennene i Schmidts nettverk. Nemec garanterte at utøvarane trygt kunne passere alle dopingkontrollar dersom dei følgde hans anvisninger.

Nemec skal ha vore så kunnskapsrik innan doping at han hadde fått tilbod om å «bloddope kamelar og hestar i Bahrain.»

Walter Mayer

NØKKELMANN: Den tidlegare langrennstrenaren Walter Mayer skal ha vore sentral i arbeidet med å skaffe Mark Schmidt kundar

Foto: GERT EGGENBERGER / AP

Den andre som Schmidt skal ha utpeika som hovudmann, er den tidlegare langrennstrenaren Walter Mayer. Han skulle skaffe kundane.

Meyer var sentral også i dopingopprullinga under OL i 2006, og blei arrestert den gongen.

I avhøyrsdokumenta kjem det òg fram at Schmidts kundar vart utstyrte med dekknamn. Syklistane Kristijan Durasek og Stefan Denifl vart «Triple X» og «No Name». Langrennsløparen Alexej Poltoranin var «Einstein».

– Som ein mafiaorganisasjon

For dette betalte Schmidts rundt to dusin kundar 5000 euro i grunnbeløp. Så vart dei fakturerte mellom 3000 og 3500 euro per sesong. Pluss litt ekstra før VM eller OL.

– Organisasjonen er bygd opp som ein mafiaorganisasjon med Schmidt på toppen, og klare oppgåver som kvar enkelt skulle gjere. Kven som skulle flytte blodposane frå A til B, kven som skulle gi blodet osv., fortalde Dieter Csefan, etterforskingsleiar i det austerrikske politiet, like etter VM.

Dopingsaka kom for ein dag under ein razzia austerriksk politi gjennomførte under ski-VM i Seefeld i slutten av februar i fjor. 21 utøvarar frå åtte land og fem idrettsgreiner vart etterforska for bloddoping som ei følgje av razziaen.

Mark Schmidts dopinglaboratorium.

BILDEBEVIS: Dette er bilde politiet tok i rassiaen under VM

Foto: Tysk/østerriksk politi
Under onsdagens pressekonferanse frigjorde det tyske politiet bilder av funnene de har gjort i forbindelse med den voksende dopingskandalen.

Politiet viste den gongen òg bilete frå det som skal ha vore Schmidts hovudlaboratorium i eit garasjeanlegg i den tyske byen Erfurt.

Nokre månader tidlegare, under verdscupkonkurransane i langrenn og hopp på Lillehammer i slutten av november, hadde Schmidt leigd eit hus like ved Birkebeineren skistadion.

Der budde Ansgard Schmidt, som er Marks far og ein kjend advokat.

Mannen som hadde med seg blodposar til utøvarane i Seefeld var nettopp pappa Schmidt. Han vart òg arrestert under politiaksjonen, men seinare sett fri, ifølgje ARD.

Statsadvokaten: – Bevisa er fantastiske

Annekset

LILLEHAMMER: Her like ved Birkebeineren stadion budde faren til legen under verdscuphelga i 2018

Foto: Ole Martin Ringlund / NRK

Under razziaen i Seefeld vart Mark Schmidt arrestert, skulda for å vere sentral i det som kan vere det største kjende tyske dopingnettverket i idretten.

Statsadvokat Kai Gräber i München, som har tysk hovudansvar for dopingetterforsking, var godt nøgd med aksjonen fordi han meinte bevisa er fantastiske, ifølgje TV-kanalen.

Det var i Seefeld politiet tok langrennsløpar Max Hauke på fersk gjerning medan han heldt på å injisere blod.

Hauke, som hevdar å ha betalt Schmidt 10.000 euro kontant fleire gonger per sesong, vart dømd til fem månaders prøvetid og ei bot på 480 euro for grovt sportsbedrageri.

Max Hauke

TEKE PÅ FERSKEN: Dette er det berømte bildet politiet tok av Max Hauke under Seefeld-VM i fjor

I avhøyra etterpå skal Schmidt ha avslørt fleire namn på legar han hevdar var med i nettverket. Fire hjelparar er òg tiltalte.

– I dokument frå avhøyra beskriv Schmidt eit veldig sofistikert nettverk, skriv ARD.

Også Walter Mayer vart arrestert i september i fjor i samband med opprullinga av Schmidt-nettverket, men seinare sett fri.

Men overfor ARD avviser Mayer at han har formidla idrettsutøvarar til Schmidt.

Tiltalen mot Schmidt vart teken ut i desember i fjor, men det er ikkje venta dom før i september.

«Triple X» og «Einstein»

Den andre som Schmidt har nemnt som nøkkelperson i nettverket sitt, er Dario Nemec.

Han vart ettersøkt i november og arrestert i heimlandet i januar, og retten godkjende utlevering til Austerrike.

Men så kom koronaen, og då vart Nemec lauslaten. ARD har ikkje klart å finne han for ein kommentar.

«EINSTEIN»: Schmidts kundar skal ha vorte utstyrte med kodenamn. Aleksej Poltoranin figurerer som Einstein, ifølgje etterforskingsdokumenta

Foto: Terje Pedersen / NTB scanpix

Bloddoping med kontrollgaranti

Inkludert i prisen var garantiar for at kundane skulle kunne overleve alle dopingkontrollar. Schmidt leverte òg andre medisinar på førespurnad, men utan garantiane.

Då han fekk bestilling på veksthormon, gjekk han rett og slett til apoteket, brukte legekortet sitt, og kjøpte det han trong, går det fram av forklaringane han skal ha gitt.

Danilo Hondo

NULL VERKNAD: Danilo Hondo var ein av dei som betalte Schmidt mykje for å bli bloddopet. Men det verka ikkje

Foto: Paolo Cocco / AFP

Schmidts avsløringar har fått følgje for fleire. ARD har intervjua den tidlegare syklisten Danilo Hondo, som seier at han var kunde hos Schmidt i 2011. Kostnad: 30 000 euro i året, men verknaden var null.

– Dei dagane då eg hadde blodet i det, køyrde eg verre enn vanleg, fortalde han.

Hondo var seinare trenar i Sveits. No, etter avsløringane, er livet hans i ruinar.

Skøytetrenar Robert Lehmann-Dolle har òg vore på Schmidts kundeliste. Derfor vart han sparka frå jobben sin i Berlin i november. Lehmann-Dolle deltok som aktiv i tre OL.

Anker varetektsfengslinga til Høgsterett

Opplysningane og forklaringane skal ha skjedd under dei første avhøyra. Så skifta han advokat og vart ikkje lenger så medgjerleg.

– I løpet av saksgangen vart det lagt merke til at alt det konstruktive samarbeidet til klienten vår med statsadvokatembetet i München ikkje hadde noko resultat, skal advokaten hans, Juri Goldstein, ha sagt.

Schmidt har site 13 månader i varetekt, men påtalemakta vil ikkje setje han fri. Dei meiner det er fare for både at han stikk av, og at han kan øydeleggje bevis.

Det reagerer Schmidt og advokaten hans på. Dei meiner at ei så lang varetektsfengsling bryt både straffeprosesslova og grunnlova, og har anka den siste forlenginga av varetekta til Høgsterett.

Siste nytt

  • Ledet New York City til finale

    Ronny Deila er én finalekamp unna å gjøre New York City til MLS-mester i fotball. Søndag ble det 2-1-seier mot et hardt koronarammet Philadelphia Union.

    Dette er klubbens første finale noensinne.

    Talles Magno avgjorde semifinalen med sin matchvinnerscoring i det 88. minutt. Dermed vant Deilas lag den østlige avdelingen i MLS-sluttspillet, og førstkommende søndag kan New York City krone det med en tittel i finalen mot Portland Timbers.

    Det var målløst til pause, men etter litt over en time tok Philadelphia Union ledelsen etter Alexander Callens' selvmål. To minutter senere utlignet Maxi Moralez.

    Eliteserien fotball Vålerenga - Brann. 1-0
    Foto: Berit Roald / NTB
  • Lorentzen nære verdenscuppallen

    Håvard Holmefjord Lorentzen har hatt en tung sesongstart, men søndag kviknet han til med fjerdeplass på 1000 meter i verdenscupen på skøyter i Salt Lake City.

    Bergenseren klokket inn til 1.07,00 og endte fire hundredeler bak Hein Otterspeer på tredjeplass. Pallen besto bare av nederlandske løpere. Thomas Krol vant foran Kjeld Nuis med tiden 1.06,44.

    Prestasjonen er en opptur for Lorentzen. Inntil søndag hadde 29-åringen denne sesongen vært langt unna de beste. For to uker siden ble han bare nummer 14 på 1000-meteren i Stavanger.

    Lorentzen tok i 2018 OL-sølv på distansen, mens han ble mester på 500 meter.

    World Cup Skøyter
    Foto: CARINA JOHANSEN / NTB
  • Utforrenn avlyst grunnet sterk vind

    Verdenscuprennet i utfor for herrer er avlyst på grunn av sterk vind. Rennet ble utsatt tre ganger, før juryen kl. 21 fattet en endelig avgjørelse om å avlyse rennet.

    Aleksander Aamodt Kilde var favoritt før søndagens utfor etter at han vant både fredagens super-G og lørdagens utfor, og kunne dermed tatt sin tredje verdenscupseier på rad. Søndagens avlysning gjør at det ikke er mulig.

    WCUP Mens Downhill Skiing
    Foto: Robert F. Bukaty / AP

Sendeplan

Kl. Program Kanal