NRK Meny
Normal

Idrettspresidenten jublar: – Hockeygutta er velkomne til å sprengje OL-budsjettet

Idrettspresident Tom Tvedt var høgt oppe etter at Norge er klar for ishockeyturneringa i OL i Pyeongchang.

Mattias Nørstebø

OL-JUBEL: Mattias Nørstebø har sett inn 2-1-målet og sendt Norge til OL

Foto: Grøtt, Vegard Wivestad / NTB scanpix

Han kan glise breitt over det han såg frå tribuneplass på Jordal.

– Ja, etter alle desse OL-diskusjonane vi har hatt no, er hockeygutta hjarteleg velkomne til å sprengje budsjettet til Pyeongchang, seier Tvedt til NRK på veg ut etter kampen.

Norges nye landslagssjef Petter Thoresen kan sjå fram til halvtanna år med arbeidsro. Han veit at laget hans skal spele med dei store i Korea om eitt og eit halvt år.

– Ja, det var veldig godt å få det på plass, seier Norges nye landslagssjef Petter Thoresen til NRK.

– Men det viktige for norsk hockey er at vi veit vi kjem til OL. Det er viktig både for spelarane her, og ikkje minst for dei komande spelarane, som ser at vi er med og spelar blant dei store, seier Thoresen.

Tolmod og vilje

Petter Thoresen

ARBEIDSRO: Med OL i Pyeongcgang eitt og eit halvt år unna får landslagssjef Petter Thoresen ro i arbeidet med å byggje opp laget

Foto: Grøtt, Vegard Wivestad / NTB scanpix

Han hadde ein stor ettermiddag på Jordal, der Norge snudde 0-1 til 2-1 over Frankrike, og sikra OL-billetten i sluttminutta.

– Det var fortent. Vi er tolmodige og har ein sterk vilje. Då er det gøy å sjå at vi klarer å dra det heim, seier Thoresen.

Han trur OL er ei stor gulrot for alle som no spelar på ungdomslandslaga, og som ligg i posisjon til å kjempe om ein plass i troppen til Pyeongchang i 2018.

– Det er berre å ta opp hansken og jobbe hardt. Så kjem det nye folk, seier Thoresen.

Idrettspresident Tom Tvedt var på tribunen. Han gleder seg også stort over det han såg.

– Håpar det inspirerer fotballandslaget

– For ein måte det skjedde på, for ein dramaturgi. Det var heilt fantastisk å få til dette her, seier idrettspresidenten.

Han er stolt av gutta.

– Eg skulle gjerne vore i den garderoben no. Det kjensla der må vere fantastisk, seier den tidlegare handballspelaren.

Han var ikkje den einaste profilen på tribunen. Statsminsiter Erna Solberg var der også og fekk med seg hockeyguttas OL-billett. Etterpå helsa ho på spelarane og takka for innsatsen.

– Det er første gong eg er på hockeykamp sidan 80-talet, seier ho.

– Og så håper eg dette inspirerer fotballspelarane våre i kveld, legg ho til.

Zucca: – Håpar å få vere med

Mats Zuccarello var ein glad mann etter kampen. – Dette er det største eg har vore med på, sa New York Rangers-proffen etter kampslutt.

Han var langt nede etter tapet for Kasakhstan i første kampen torsdag. Og tilsvarande høgt oppe i dag.

– Og du blir med til OL?

– Det håpar eg verkeleg.

Siste nytt

  • Grindheim ferdig i Vålerenga

    Vålerenga-kaptein Christian Grindheim (34) får ikke bli med Oslo-klubben videre etter sesongen. – Ingen lett avgjørelse, sier trener Ronny Deila.

    Grindheim har spilt over 250 kamper for Vålerenga i løpet av to perioder (2005-07 og 2013-17). Kontrakten hans går ut etter årets sesong.

    Christian Grindheim
    Foto: Fredrik Hagen / NTB scanpix
  • Grand held plassen

    Grand Bodø held plassen i Toppserien, og Urædd må spele i 1. divisjon også neste år. Det er klart etter at Grand vann 3-0 heime i Bodø i dag. Maiken Bakke scora to og Sara Kristine eggesvik eitt.

    Grand vann samanlagt 7-0.

  • Nye pallplassar på lagsprinten

    Norge tok to andreplassar i lagsprinten i Stavanger. Kvartetten Bjørn Magnussen, Henrik Fagerli Rukke, Håvard Lorentzen og Johann Jørgen Sæves gjekk på 1.19,84, slått med 32 hundredeler av Canada i samløp. Canadas tid er verdsrekord.

    På kvinnenes lag gjekk Anne Gulbrandsen, Hege Bøkko, Ida Njåtun og Rikke Jeppsson. Dei blei slått med 39 hundredeler av Sør-Korea.

Sendeplan

Kl. Program Kanal