Noreg tapte dramatisk OL-kvalik: – Veldig bittert

JORDAL AMFI (NRK): Noreg reduserte to gonger i sluttsekunda og sikra speleforlenging. Like etter øydela Kasakhstan kvelden og starten på OL-kvaliken.

Norge-Kasakhstan

SKUFFA: Det blei tap i den fyrste kampen i OL-kvalliken på Jordal Amfi i kveld.

Foto: Larsen, Håkon Mosvold / NTB scanpix

Kampen om ein billett til OL i Pyeonchang starta på Jordal Amfi i kveld.

Og det blei svært dramatisk i den fyrste kampen mot Kasakhstan.

– Veldig bittert

Da alle trudde kampen var over på stillinga 3-1 og berre to minutt var igjen å spele på Jordal, tok vår største stjerne og dagens bursdagsbarn ansvar.

Mats Zuccarello stod for to assists på to minutt og plutseleg hadde Noreg sikra speleforlenging etter å ha ligge under gjennom store delar av kampen.

Zuccarello landslaget

STORSPELTE: Mats Zuccarello scora Noregs fyrste mål og hadde to målgjevande pasningar mot slutten i kampen mot Kasakhstan.

Foto: Larsen, Håkon Mosvold / NTB scanpix

Men gleda blei kortvarig, Kasakhstan brukte berre eit minutt på å sikre sigeren.

– Me ville jo ha ein siger her. Det er jo ei tøff gruppe. Eg føler me gjer ein ålreit kamp, men det er dei små detaljene som manglar, seier Ole Kristian Tollefsen til NRK etter kampen.

Landslagstrenar Petter Thoresen var både fornøgd og misfornøgd etter kampen.

– Eg er veldig imponert over at me scorar to mål på slutten der og sikrar speleforlenging. Men sjølvsagt er det veldig bittert nå, men me kunne stått her med null poeng også, seier Thoresen til Eurosport i intervju vist på sending.

Best ranka i gruppen

På førehand var Noreg rekna som favoritten i gruppe med Kasakhstan, Frankrike og Italia. Men laget som Noreg slo 4-2 i VM i fjor, skulle vise seg å bli ein hardare nøtt å knekke nokre månader etter.

Etter ein mållaus fyrste periode slo kasakhstanarane til umiddelbart i midtperioden. Kaptein Starchenko var mannen som sendte gjestene i leiinga.

Like etter viste Mats Zuccarello kvifor han er gull verdt å ha med for Noreg. På sin eigen 29-årsdag utlikna han frå spiss vinkel berre to minutt etter, på pasning frå Anders Bastiansen.

Men det blir med det eine utlikningsmålet, i staden var det Kasakhstan som tok føringa frå start av i den siste perioden.

Kevin Dallman er ein av spelarane Kasakhstan har henta frå Nord-Amerika, og han var raskast frampå da Noreg tapte dropp i eigen sone. Like etter er kaptein Starchenko frampå igjen og scora 3-1 målet på kontring.

Men da det såg som aller mørkast ut, tok igjen Mats Zuccarello ansvar. To minutt gjenstod og Noreg låg under 3-1. Fyrst fannn Zuccarello, Jonas Holøs som banka inn 3-2. Minuttet etter kom nok ein oppvisning frå Zuccarello. Han treff godt, og får hjelp av Anders Bastiansen som styrer pucken i mål.

Det blei speleforlenging og der er Mathis Olimb svært nær ved å sikre sigeren. Men med spel tre mot tre blir det svært opent i forsvaret, og i staden er det Kasakhstan som går rett opp i angrep igjen og Bochenski er mannen som blir matchvinnar på Jordal Amfi i kveld.

Dermed får Noreg med seg eitt poeng før kampen mot Italia i morgon.

Siste nytt

  • Danmark opna med klar siger

    Heimelaget Danmark slo Slovenia 30-23 i sin første kamp i EM. Ved pause leia danskane berre 14-12, men drog frå etter pause.

    Larke Pedersen blei toppscorar med 6 mål.

    Louise Burgaard, Danmark
    Foto: Henning Bagger / AFP
  • Frankrike og Kroatia vann

    Tittelforsvarar Frankrike slo Montenegro 24-23 og Kroatia slo Ungarn 24-22 i fredagens to første handballkampar i EM.

    Seinare i kveld møter Danmark Slovenia. Serbia-Nederland er utsett til laurdag.

    Håndball Frankrike - Montegenro
    Foto: Henning Bagger / AP
  • Mjøndalens førstekeeper utestengt

    Mjøndalen-keeper Sosha Makani mister lagets to neste kamper i Eliteserien.

    Makani ble utvist sist kamp da han stoppet Haugesund-spissen Ibrahima Wadji. Dommeren mente han fratok FKH-spilleren en åpenbar målsjanse.

    På veien ut av banen dyttet Makani Haugesund-kaptein Benjamin Tiedemann Hansen over ende.

    Makani får én kamps karantene for det røde kortet og en ekstra for det han gjorde i etterkant.

    Eliteserien fotball 2020: FK Haugesund - Mjøndalen
    Foto: Jan Kåre Ness / NTB

Sendeplan

Kl. Program Kanal