NRK Meny
Normal

Kulthelt Kamara: – Islands keeper er liten, det må vi utnytte

Sky Sports' kommentator Chris Kamara meiner Islands keeper er det svake punktet som England må utnytte i kveld. Men Hannes Thor Halldorsson er ikkje så lav som fotballeksperten trur.

Hannes Thor Halldorsson

FOR LITEN? Islands keeper Hannes Thor Halldorsson er litt liten, og det må England utnytte, meiner Chris Kamara. Men Glimt-keeperen har imponert hittil i EM, her reddar han eit skot i kampen mot Austerrike

Foto: MARTIN BUREAU / Afp

Chris Kamara

KULT-HELT: Fotballekspert Chris Kamara i Sky Sport.

– Island har sine svake sider. Keeperen er ikkje av dei største. Om vi kan gjere livet surt for han, kan vi finne ein veg inn der, seier Kamara til NRK

Fotballeksperten er kjent for å ikkje alltid få med seg kva som skjer når han rapporterer frå indre bane for Sky Sport.

Den islandske keeperen er faktisk 1,93 meter på strømpelesten.

Det kan ikkje karakteriserast som kort.

Til samanlikning er Tysklands Manuel Neuer 1,93 meter. Italias Gianluigi Buffon er 1,91 meter. Og Spanias David de Gea 1,92 meter høg.

Alle tre blir rekna blant verdas beste keeperar.

Redda mest i EM

Og difor er det kanskje ikkje så rart at Kamara har fått legendestatus for vittige epiosodar og augneblink som kommentator og ekspert for engelske Sky Sport.

Blant anna er han kjent for å gå glipp av viktige hendingar, som mål og raude kort i kampane då han har rappport frå indre bane, til stor glede for både panelet i studio og sjåarane.

Men Kamara, kjent som ein taktlingssterk midtbanespelar, meiner samtidig at Englands problem kan bli Hannes Thor Halldorsson som har hatt fleire redningar enn nokon annan keeper i EM.

Islendingen toppar stastikken over flest redningar i EM, nettopp føre keeper-storheiter som Neuer, Buffon og de Gea.

Laster Twitter-innhold

På utlån til Glimt

Halldorsson, til dagleg keeper i Bodø/Glimt, var den store helten i 1-1-kampen mot Portugal, og gjorde det også godt mot Austerrike, då Island stod imot eit enormt press og vann 2-1 med sigersmål på overtid.

– Det er heilt magisk, og umogleg å beskrive. Heile landet kokar no, sa Halldorsson til NRK etter kampen.

– For alle spelarane våre er dette det største i karriera deira. Det er eit "dream-come-true"-augneblink for oss, heldt han fram.

32-åringen er på utlån til Bodø/Glimt frå nederlandske NEC Nijmegen. Halldorsson har eitt år igjen av kontrakta med den nederlanske æresdivisjons-klubben.

Han har også tidligere vore på utlån til Brann i 2012, og spelte for Sandnes Ulf i 2014-sesongen.

– Island er «marvellous»

Kamara er som dei fleste andre full av lovord om Island.

– «Marvellous, absolute marvellous». Dei er eit fantastisk lag, utan store stjerner. Gylfi Sigurdsson er den einaste frå Premier League. Island har ingen stjerner, men dei har eit samansveisa lag som jobbar svært hardt og godt.

– På papiret er England storfavoritt. Men England gjer det aldri på den lettaste måten, så Island kjem til å gjere det vanskeleg for oss, seier Kamara.

– Island vil vere kompakte og satse på kontringar, og England må vere tolmodige og vise litt betre kvalitetar enn i gruppekampane.

Halldorsson meiner Island kan slå England dersom dei nok ein gang tek fram sine nordiske urkefter.

– Det er mange ting som gjer at vi har oppnådd resultat. Men den mest avgjerande faktoren er mentaliteten vår, seier Halldor Thor Halldorsson.

Siste nytt

  • Lønnskrav kan stoppe Bolt

    Den tidligere stjernesprinteren Usain Bolt (31) håper å spille seg til kontrakt med Central Coast Mariners i A-league, men Australias fotballforbund er skeptisk siden de trolig må betale ca 5,4 millioner kroner av Bolts lønn.

    Usain Bolt smiler med lukkede øyne, hodet bakover og med hendene mot hverandre
    Foto: Gonzalo Fuentes / Reuters
  • Rekordomsetning etter Neymar-salg

    Etter skatt sitter Barcelona igjen med et nettoresultat på 13 millioner euro (123 millioner kroner) etter forrige sesong.Mye skyldes salget av Neymar til PSG 222 millioner euro.

    Barcelona hadde 914 millioner euro i inntekter og utgifter på 882 millioner euro.

    neymar
    Foto: Francois Mori / AP
  • Panamas landslagssjef gir seg

    Hernan Daro Gomez avslutter sin tid som Panamas landslagssjef etter landets VM-debut i Russland.

    – Russland 2018 var starten. Jeg oppfylte løftet om å føre landet til sitt første VM. Og det vil for alltid ha en plass i hjertet mitt, skrev landslagssjefen.

    Hernan Dario Gomez holder en ball
    Foto: Filippo Monteforte / AFP

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Sport og musikk
Sport og musikk
Tour de France: 11. etappe
Tour de France: 11. etappe
Sport i dag