NRK Meny
Normal

Island med sensasjon på overtid: Møter England i åttendelsfinalen

Island sto i mot eit massivt press frå Austerrike og kontra inn sigersmålet på overtid. Da kunne dei islandske kommentatorane ta av for nok ein islandsk sensasjon.

em i fotball

SIGERSMÅL: Dei islandske kommentatorane tok heilt av etter at contringsmålet som gav 2–1 siger over Austerrike.

Laster innhold, vennligst vent..

– Det er heilt utruleg å vere ein del av laget. Samhaldet er fantastisk, eg skulle ynskje det her var eit klubblag for å vere ærleg, gliser ein fornøgd matchvinnar.

Arnor Ingi Traustason skreiv seg inn i islandske historiebøker i kveld. 22. juni blir ein kveld alle fotballelskarar på øya kjem til å hugse.

– Det største eg har opplevd

Landets største fotballhelt Eidur Gudjohnsen som sat på benken under kampen, beskriv det godt opp på Twitter.

– Eg har tatt del i mange store kampar i karrieren min. Ingen kan samanliknast med i kveld. Dette er vårt augeblikk, skriv Gudjohnsen.

For det ingen trudde var mogleg før, blei sant i kveld.

– Desse gutane byr på eit eventyr som ikkje har ein ende.

NRKs kommentator Thomas Lerdahl er nok hakket mindre euforisk enn dei islandske kommentatorane etter den historiske sigeren.

Gjekk bananas i kommentatorboksen

For det tok heilt av for Gudmundur Benediktsson, også kjent som «Gummi-Ben», i den islandske kommentatorboksen da sensasjonen var eit faktum på overtid. Har du ikkje gjort det ennå, må du berre sjå videoen over før du les vidare.

Og her ser du bilete av kommentatoren i scoringsaugneblinken:

Laster Twitter-innhold

Og nå har du forhåpentlegvis sett korleis kvelden enda i kommentatorboksen?

Kvifor dette skulle bli ein berg og dalbane av kjensler for alle islendingar, og kanskje spesielt for dei islandske kommentatorane, får du vite nå.

Rett i strupen

For presset Austerrike utsette Island for i andre omgang skulle nesten ikkje vere mogleg å forsvare seg mot.

Johann Gudmundsson og Island gjekk rett i strupen på Austerrike frå start. Før det hadde gått to minutt lada Gudmundsson skotbeinet og susaren gjekk rett i tverrliggaren.

EM i Fotball

FORRYKANDE START: Johann Gudmundsson var så nær ved å gje Island ein pangstart.

Islendingane heldt fram det høge presset og kasta seg med livet som innsats inn i alle duellar.

Etter 18 minutt gav det resultat.

Arnason vann duellen i feltet etter eit langt innkast frå Gunnarsson og tidlegare Viking-spelar Jón Dadi Bödvarsson fekk tak i ballen. Spissen drog seg forbi forsvaret og sende ballen så kontrollert i mål som berre ein storscorar kan.

– Det var fantastisk å få 1–0 målet så tidleg. Det var utruleg viktig for oss, seier Bödvarsson etter kampen.

EM fotball

LEIARMÅL: Tidlegare Viking-spelar Bödvarsson scora Islands fyrste mål.

Austerrike fekk sjansen til å utlikne frå straffemerket rett før pause, men skotet frå Dragovic gjekk i stonga til Island-keeper Hannes Halldórsson.

Em Fotball

STRAFFE: Austerrikes Dragovic kunne utlikna på straffe før pause.

Laster Twitter-innhold

Massivt press frå Austerrike

I andre omgang skjønar Austerrike endeleg alvoret. Med berre eitt poeng før kveldens kamp var berre siger godt nok skulle Austerrike ha håp om avansement.

Bayern München-stjerna David Alaba kom til ein enorm sjanse etter 47 minutt. Men så var denne offerviljen til islendingane da.

Kári Árnason kasta seg inn og blokkerte nok eit austerriksk skot.

Em i Fotball

Det massive presset frå Austerrike heldt fram gjennom heile den andre omgangen, og etter 60 minutt resulterte det også i mål. Alessandro Schoeph har akkurat kome inn frå benken og sett ballen til venstre for keeper.

Slik held dei fram og det opnar for kontringar for Island.

På overtid gjer dei blå det umoglege mogleg.

Arnor Ingvi Traustason er mannen som sklir ballen i mål etter at Birkir Bjarnason har raida heile den austerrikske sida.

Sensasjonen er eit faktum. Island vinn 2–1 og sikrar seg andreplassen i gruppa. Dermed ventar England i åttedelsfinalen.

Traustason gler seg til møte.

– Eg er fan av Englant til vanleg, det blir heilt vanvitig å møte dei, gliser islendingen.

Siste nytt

  • Beskyldes for seksuell trakassering

    Carlo Tavecchio, som mandag gikk av som fotballpresident i Italia, blir beskyldt for seksuell trakassering av en tidligere ansatt. En kvinne forteller om en hendelse som skal ha funnet sted på Tavecchios kontor i et intervju med avisen Corriere della Sera.

    Italian Football Federation (FIGC) President Tavecchio looks on during a news conference in Rome
    Foto: Max Rossi / Reuters
  • Minde klar for Wolfsburg

    Den norske fotballprofilen Kristine Minde blir lagvenninne med Caroline Graham Hansen i tyske Wolfsburg fra neste sesong. Tirsdag bekreftet den tyske storklubben signeringen. Minde opplyste selv i forrige uke at hun forlater svenske Linköping.

    Kampen Norge - Belgia under EM fotball kvinner.
    Foto: Berit Roald / NTB scanpix
  • Tre FIFA-toppar utestengde

    FIFAs etiske komité utestengjer Richard Lai frå Guam, Julio Rocha frå Nicaragua og Rafael Esquivel frå Venezuela for livstid. Dei tre FIFA-toppane har sagt seg skuldig i korrupsjon under rettssaka som pågår i New York.

    Julio Rocha og Sepp Blatter
    Foto: Esteban Felix / Ap

Sendeplan

Kl. Program Kanal
Vi er landslaget - fra gutter til menn