NRK Meny
Normal

10 fotballmyter: Nei, corner er definitivt ikkje mål

Er det eigentleg ein fordel å ta den fyrste straffa i straffesparkkonkurranse? Og er corner ein så stor målsjanse som mange vil ha det til? Her får du svara.

David Beckham bommer på straffe i EM 2004

FORBANNING: England har berre ein einaste gong vunne straffesparkkonkurranse i meisterskap. I EM i Portugal i 2004 blei David Beckham den store syndebukken.

Foto: THOMAS KIENZLE / Ap

Mytene i fotballverda er mange. Nokre går langt tilbake, medan andre har utvikla dei seinaste år i tråd med nye reglar i og nyvinningar i sporten.

Men er dei basert på fakta?

Kenneth Wilsgård er fagansvarleg for analyse og teknologi hos Norsk Toppfotball og jobbar i tillegg med analyse for landslaget.

Han har saman med fleire analytikarar forska på mange av mytene, og kan gje deg svara.

1. Det er fordel å skyte fyrst i straffekonkurranse

Ekspertanes dom: INGEN MYTE

Professor Geir Jordet ved Norges Idrettshøgskole er ein av dei som har forska mest på straffesparkkonkurransar.

– Ein har 60 prosents sjanse for å vinne om ein startar straffesparkkonkurransen, viser ein studie av 2000 straffar i 200 straffesparkkonkurransar i VM, EM og andre turneringar. I meisterskap er likevel ikkje tendensen like tydeleg, seier Wilsgård.

Italiensk jubel. Buffon og Diamanti

SCORA FYRST: Italia tok den fyrste straffa og scora ved Mario Balotelli. Til slutt kunne Gianluigi Buffon og Alessandro Diamanti juble for siger.

Foto: Ivan Sekretarev / Ap

2. Det er større sjanse for at eit lag slepp inn mål rett etter at dei har scora.

Ekspertanes dom: MYTE

Ei undersøking av 127 Premier League kampar som endte 1-1 viste at det ikkje er større sjanse for å sleppe inn mål rett etter eigen scoring enn andre tidspunkt i kampen. Det kom fram i boka «Myths and Facts about football» som kom ut i 2008.

Kroatia-Tyrkia

RETT TIL MÅL: Kvartfinalen mellom Kroatia og Tyrkia i 2008 var mållaus heilt til det 118 minutt da Kroatia scora. Men Tyrkia gjekk rett i angrep frå avspark og Semih Sentürk scora berre sekund etter. Tyrkia vann til slutt 3-1 på straffer.

Foto: RONNY HARTMANN / AFP

3. Er det nødvendigvis ein fordel å spele mot 10 mann?

Ekspertanes dom: INGEN MYTE

– Ja, spesielt for heimelaget er det ein stor fordel å spele mot 10 mann. Fordelen er ikkje like stor på bortebane, men også der viser studier ein klar fordel, seier Wilsgård.

Soccer Euro 2012 Poland Greece

FRUSTERT: Dei greske spelarane var svært frustrert da Sokratis Papasthoupolous fekk raudt kort i gruppespelet mot Polen. Men kanskje har ikkje det å spele med ein mann mindre som ein skulle tru?

Foto: Alik Keplicz / Ap

4. Er corner verkeleg ein stor målsjanse?

Ekspertanes dom: MYTE

Her gjev forskinga klare svar.

– Ei bacheloroppgåve på Norges Idrettshøgskole analyserte alle hjørnespark i VM i 2014. 3,7 prosent av hjørnesparka resulterte i mål. Det blei altså mål på 25 av 668 hjørnespark. Me har også undersøkt åtte sesongar i Eliteserien, og funne ut at det blir mål på kvar 39 corner. Corner er altså langt ifrå ein stor målsjanse, seier Wilsgård.

Corner Sverige mot Nederland

FARLEG?: Supporterane jublar ofte når laget deira blir tildelt hjørnespark. Men det er kanskje ikkje ein så stor sjanse som mange trur.

Foto: FRANK AUGSTEIN / Ap

5. Korte hjørnespark blir aldri mål

Ekspertanes dom: MYTE

Ifølgje boka Tallenes tale er det heilt motsett. Korte hjørnespark løner seg i det lange løp, har forfattarane Chris Anderson og David Sally funne ut.

– Tallene viser at hjørnespark ikkje har betydning. Det fører sjeldan til mål. Tvert imot kan laga bli sårbare bakover. Derfor tek Barcelona ofte korte hjørnespark og held ballen i laget, seier Sally til nettstaden Olympiastadion.no.

Neymar kort corner

SUKSESS?: Neymar og Barcelona er kjent for å ta korte hjørnespark.

Foto: ALBERT GEA / Reuters

6. Tapar «alltid» England straffekonk?

Ekspertanes dom: INGEN MYTE

– England har tapt seks av sju straffesparkkonkurransar i meisterskap. Dei har berre vunne ein og det var i kvartfinalen mot Spania på heimebane i 1996, da tapte dei seinare mot Tyskland i semifinalen.

Rooney skuffa etter straffetap

RETT UT: Wayne Rooney var svært skuffa etter at England tapte straffekonk mot Italia i førre EM i 2012.

Foto: Michael Sohn / Ap

7. Å bytte på defensiv dødball aukar alltid risiko for mål

Ekspertanes dom: MYTE?

– Eg har ikkje sett noko forskning på dette, men eg vil tru at den negative betydninga av bytte er noko overdrive. Det er uansett få lag som gjer bytter på dødball i mot, så det er ikkje lett å samle nok data til å bekrefte eller avkrefte om dette er ei myte, seier Wilsgård.

Norges fotballandslag juni 2016

–HELT NATTA: Per Mathias Høgmo gjorde to bytter på defensiv dødball «»mot Belgia. Belgia scora og ekspertane kalla grepet for «helt natta».

Foto: Poppe, Cornelius / NTB scanpix

8. Den farlege 2-0 leiinga

Ekspertanes dom: MYTE

Her er det heller ikkje gjort mykje forskning seier fotballanalytikaren.

– Det er ingen tal som peikar i den retninga. Eg vil tru dette er eit psykologisk fenomen som gjer at ein tillegger meir vekt når det fyrst skjer. Dei gongene eit lag vinn etter å ha leia 2-0 blir det jo ikkje snakka om.

Harry Kane mot Tyskland

SNUDDE: Harry Kane og England låg under 2-0 mot Tyskland i ein treningskamp tidlegare i år. Engelskmennene viste at det kan vere ein skummel leiing da dei snudde til 3-2.

Foto: ODD ANDERSEN / Afp

9. Ein skal aldri ta straffa sjølv om ein blir felt

Ekspertanes dom: MYTE

– Her har det blitt gjort fleire store undersøkingar. 835 straffer der spelaren som har blitt tatt, har tatt den sjølv har blitt undersøkt. Resultata viser at det ikkje har noko samanheng om det blir mål eller ikkje.

Arjen Robben blir tatt mot Mexico

ROPA PÅ STRAFFE: Arjen Robben ropte på straffe opptil fleire goner i 1/8 dels finalen mot Mexio i VM i Brasil. Til slutt fekk han det, men ville ikkje ta straffa sjølv. Klaas-Jan Huntelaar scora på straffa.

Foto: Wong Maye-E / Ap

10. Det er fordel å ta straffe framfor eigne supportarar

Ekspertanes dom: MYTE

– Her fann eg ingen statistisk haldbar samanheng. Når det er sagt så ser det ut som at det å vere i straffekonk på bortebane kan vere noko enn heimebane. Resultata går i alle fall i denne retninga, seier Wilsgård og siktar til forskninga til professor Jordet igjen.

Sverige U21-meistrar

VANN EM: Sveriges U21 landslag vann straffesparkkonkurransen mot Portugal i fjor etter å ha tatt straffene mot eigne fans.

Foto: Lee Smith / Reuters

Siste nytt

  • To mål av Zahid

    Ghayas Zahid scora to mål då Apoel slo Ominia 3-1 i lokaloppgjeret i Nikosia på Kypros i kveld.

    Apoel ligg på fjerdeplass, 6 poeng bak leiande AEK Larnaca men med to kampar til gode.

    Ghayas Zahid
    Foto: FLORIAN CHOBLET / AFP
  • Alle norske kvalifisert

    Alle nordmennene er kvalifisert til opningsrennet i verdscupen i Wisla søndag. Robert Johansson på 10.-plass var best.

    – Dagen ber litt preg av at det er tidleg på sesongen og hopparane har masse å gå på, seier sportssjef Clas Brede Bråthen.

    Laurdag er det laghoppeing i Wisla. Forfang, Fannemel, Tande og Johansson er det norske laget.

  • Lorentzen vann igjen

    Håvard Holmefjord Lorentzen tok sin andre siger for dagen og knuste parkamerat Kai Verbij med 1.08,22. Verbij blei nr 2 med 1.08,47.

    Han vann 500 meter tidlegare i dag.

Sendeplan

Kl. Program Kanal
Vinterstudio
Vinterstudio fra Beitostølen
Sesongstart langrenn: Prolog
Sesongstart skiskyting: Sprint kvinner
Sesongstart skiskyting: Sprint kvinner
Sesongstart skiskyting: Sprint
Cupfinale G19, Molde – Rosenborg
Cupfinale: G19: Molde - Rosenborg
Sesongstart langrenn: Klassisk sprint
Sesongstart langrenn: Klassisk sprint, kvinner og menn
Langrenn: Klassisk sprint