Cricket vil på OL-programmet
Det internasjonale cricketforbundet (ICC) søkjer om å få plass i sommar-OL i Los Angeles i 2028. Men det er mest for å posisjonere seg til OL i Brisbane i 2032, skriv gamesbids.com.
– Vi har over ein milliard cricket-fans rundtom i verda, og talet er veksande seier cricketpresident Greg Barclay.
Han innser at det kan bli vanskeleg å kome med i Los Angeles, der baseball og softball nesten heilt sikkert er tilbake, og at det derfor blir svært vanskeleg å få endå ein lagidrett på programmet.
Men Barclay meiner det er nødvendig å søkje for å markere interessa.
Det eigentlege målet er OL i 2032. I Australia er cricket-interessa enorm, og Brisbanes historiske cricketarena The Gabba skal oppgraderast for ein milliard australske dollar før OL.