NRK Meny
Normal

Supportarbråk i Kristiansand

Sju fotballsupportarar er arrestert etter å ha laga bråk utanfor stadion i samband med eliteserieoppgjeret mellom Start og Vålerenga.

Supporterbråk i Kristiansand

Fotballsupportarar er arrestert etter å ha laga bråk i Kristiansand.

Foto: Henrik Strand Wilhelmsen

– Vi har arrestert sju personar som vil bli melde for vald mot politiet, seier operasjonsleiar i Agder-politiet, Miriam Stausland til NRK.

Stig Vang, innsatsleiar i politiet

Innsatsleiar Stig Vang.

Foto: Per-Kåre Sandbakk/NRK

Supportarar frå Start og Vålerenga barka saman utanfor stadion før kampstart.

– Vi ser alvorleg på saka. Dei sju blir tekne inn og vert bøtelagde. Det kan verke som om dette er folk som har vore ute etter bråk, seier innsatsleiar i politiet, Stig Vang.

Presseansvarleg i Start, Roy Emmanuelsen, seier at han ikkje kjenner til supportarbråket.

– Eg har ikkje fått noko melding om dette, men eg har ikkje snakka med våre folk som har ansvar for sikkerheit, seier han.

Bråk på Sparebanken Sør Arena under Start - Vålerenga.

VIDEO: Sjå intervju med innsatsleiar i politiet, Stig Vang.