– Først og fremst var eg veldig glad for at interessa var der, og at eg kunne ha sjansen til å komme heim til Noreg og halde fram med å spele på det aller høgste nivået, seier Solberg-Østhassel i ei pressemelding.
Fædrelandsvennen melde om overgangen først.
– Vi er kjempestolte og veldig glad for at ho kjem til Kristiansand, seier dagleg leder i Vipers, Benedicte Løyland til NRK.
Treårskontrakt
Landslagskeeperen spelar no i den ungarske toppklubben Györ. Kontrakten med ungararane går ut etter denne sesongen. Ho har nå skrevet under på ei treårskontrakt fram til sommaren 2027.
Når kontrakten utløpar vil ho vere 37 år.
– Etter ti år i utlandet for meg og min familie, så er dette det perfekte tidspunktet å komme heim på, seier Solberg-Østhassel i pressemeldinga.
Dermed vil landslagets keeperduo også konkurrere om keeperplassen på klubblaget neste sesong.
Katrine Lunde si kontrakt med Vipers går ut sommaren 2025.
Berga av millionar
Vipers Kristiansand har vore gjennom ei særs utfordrande tid. I meisterligaen har det gått trått for klubben som var vunne turneringa tre sesongar på rad.
Men Vipers er klar for play-off, der dei skal kjempe om kvartfinaleplass.
Konkursspøkelset har truga klubben i fleire månader. Men ei «redningspakke» på oppimot 6 millionar kroner har no berga klubben si satsing.
Næringsliv og kommune spyttar inn fleire millionar kroner. Klubben unngjekk dermed konkurs.
Torsdag vart det også kjent at stiftinga Cultiva truleg går inn med 5 millionar kroner i klubben.
Kan vinne nytt gull
I helga kan Vipers sikre meir edelt metall i premieskapet sitt. Klubben kan vinne sitt sjuande NM-gull på rad.
Det er NM-sluttspel i Arendal, der Vipers møter Larvik i semifinalen.
Dersom dei tek seg vidare ventar Storhamar eller Sola i finalen i Sør Amfi søndag.
