– Enkelte stader er det såpeglatt. Det vert stort sett køyrt forsiktig. Problemet er i hovudsak utanlandske trailarar som ikkje er skodde for glatte vintervegar, seier sjef i Utrykningspolitiet, Øystein Krogstad til NRK.no.
- LES OGSÅ: Snø skapte kaos
Betre brøyta i dag
Tysdag vedgjekk Vegvesenet å ikkje har gjort ein god nok jobb.
– Nokre stader vestover på E39 har det vore dårleg brøyta. Men vi meiner det er noko betre i dag enn i går. Mellom Lyngdal og Flekkefjord spesielt var det såpeglatt med underkjølt regn, seier han.
– Slikt er ikkje godt for Vegvesenet å ta akkurat det. Her er det bilistane som må ta afære. Dei må køyre forsiktig og sko seg riktig, seier Krogstad.
Fleire vogntog har stått fast på E39 i Vest-Agder i føremiddag. Fleire av dei var utanlandske.
Får ikkje luka ut alle
– Dei skal ikkje få køyre viss dei er for dårleg skodde. Men vi har ikkje så mykje folk at vi klarar å luke ut alle saman. Vi prøver å ta dei i samarbeid med vegvesenet. Vi tek ein del på ferjeterminalen, seier han.
– Men så kjem det nokre austifrå. Får vi ikkje luka dei ut før dei står fast, vert det trøbbel. For dei er kjempesvære, seier UP-sjefen.
