– Michelin-guiden prioriterer ikkje å reise til så små byar. Det gjeld dessverre også for Kristiansand og Arendal, seier mangeårig matmeldar i Aftenposten Erik Guldbrandsen.
Han er sørlending og har sjølv ete ved nesten alle restaurantar i dei største sørlandsbyane.
Han er ikkje spesielt imponert over nivået.
– Nivået er ikkje høgt nok
Guldbrandsen er kanskje brutalt tydeleg når han meiner at sørlandsrestaurantane burde heve kvaliteten.
– Restaurantane held ikkje høgt nok nivå, og då blir dei ikkje omtalte i Michelin-guiden, seier han.
Restauranten Under var spente på om dei fekk behalde stjerna i Michelin-guiden. – Litt vanskeleg å tru det, eigentleg. Det er jo heilt utruleg, rett og slett, seier sjefkokk Bernt Sætre.
Foto: Tor Erik Schrøder / NTBGuldbrandsen trur ikkje det blir nokon stjerner på restaurantar i storbyane våre, slik stoda er no.
– Hadde eg sjølv gått i Kristiansand som Michelin-inspektør, hadde eg vel berre nemnt restauranten Smag og Behag som hadde komme inn i guiden. Ikkje med noko stjerne, men som ein bra serveringsstad å reise til.
Situasjonen er annleis berre nokre timar unna oss.
Når ikkje opp til Stavanger
For, Stavanger har ti serveringsstader nemnde i Michelin-guiden.
– Stavanger er ein oljeby med ein heilt annan kultur på det der med å gå ut og ete. Sørlendingar gjer ikkje det på same måten. Vi må få sørlendingar meir ut og ete og legge igjen meir pengar, seier Guldbrandsen.
Eilert Smith, hotellet i Stavanger som husar Michelin-restauranten Re-Naa.
Foto: Ole Andreas Bø / NRKHan meiner at Sørlandet ikkje kan måle seg med matkulturen i Rogaland.
– Stavanger har erfaring med mat på høgt nivå med den tradisjonsrike matfestivalen i byen. Så her er det ein lang veg å gå for Sørlandet.
Før var det berre serveringsstader i Oslo som blei vurderte i guiden. Etter kvart vart det Stavanger, Bergen og Trondheim.
Hyllest av kokk og by
Guldbrandsen poengterer at Michelin-stjerner betyr mykje for både kvar enkelt kokk og for byen samla sett.
– Oslo fekk no inn 34 restaurantar i Michelin-guiden, som er ny rekord. Og det betyr mykje både for turistar og folk som vil reise til hovudstaden for ei spesiell matoppleving, seier han.
Guldbrandsen understrekar at folk reiser til restaurant Iris i Hardangerfjorden.
– Dei reiser til stader med Michelin-stjerner. Sjå på Rena som får tre stjerner no i Stavanger. Det er ein destinasjon i seg sjølv, som det fint heiter i Michelin-kriteria, seier han.
Men, det vart jubla under havet i Lindesnes i går.
Stor marknadsføringsverdi
Måndag vart det nemleg kjent at restaurant Under i Lindesnes får behalde Michelin-stjerna si.
– Eg er superstolt over Under og dette er med på å marknadsføre Agder på ein veldig god måte, seier dagleg leiar i Visit Sørlandet Hege Julianne Nevestad.
– Vi har veldig mange gode restaurantar i Kristiansand og Arendal som vi marknadsfører saman med resten av Agder, seier dagleg leiar i Visit Sørlandet Hege Julianne Nevestad.
Foto: Anna Rut Tørressen / NRKHo argumenterer med at det er kostbart å få ei stjerne og det kan resultere i at ikkje alle restaurantar går inn for å få stjerner.
Nevestad forklarer at det å vere nemnd i Michelin-guiden også har stor verdi.
– Boen Gård på Tveit i Kristiansand er nemnd i guiden, og det bruker vi i marknadsføringa av Sørlandet, fortel ho.