Kvinne kutta hol i dekka til minst ni bilar

Politiet har fått kontroll på ei kvinne som har vorte arrestert.

Det skal vere snakk om minst ni bilar, ifølgje Agder politidistrikt.

Politiet fekk melding om hendinga klokka 03.30 natt til torsdag.

– Melder hadde observert at personen kutta hol i dekket hans og følgde etter vedkommande. Politiet fekk raskt kontroll på personen, seier operasjonsleiar Tom Einar Gausdal til NTB.

Det er også gjort hærverk utanfor ein utestad i den same gata.

Fleire blomsterpotter er velte. Det er ikkje klart om dette har samanheng med bilhærverket.