– Omfanget er førebels ukjent, men vi driv feilsøking med tanke på å få retta feilen, seier dagleg leiar i Agder Breiband, Toralf Nyheim til NRK.no.
- LES OGSÅ: Is fjerner krypsiv
Demma opp elva
For rundt ei veke sidan vart elva demma opp for at vatnet skulle fryse til, og feste seg til skadeleg krypsiv. Men då slusene vart opna, reiv isblokkene med seg både krypsiv, og fiberkabel nord for Byglandsfjord.
– Mykje tyder på at det er det som har skjedd, seier Nyheim.
Det er uklart når internettkundane får tilbake nettet. I verste fall kan ski-VM stå i fare.
Feilsøking
– Vi skal gjere det vi kan for å få retta feilen så raskt som mogleg. Vi er i gang med feilsøk, seier han.
– Dette er arbeid som kjem til å gå til vi har løyst problemet. Per no er det ikkje mogleg å seie når vi får retta det. Vi må først vite omfanget og kva alternativ vi har til å få retta feilen, legg han til.
VIDEO: Sjå video frå fjerninga av krypsivet.
