NRK Meny
Normal

Hundeeigar blir ikkje sett fri

Den 23 år gamle hundeeigaren, som er sikta for å ha stole to hundar som sit i varetekt etter angrep, blir ikkje sett fri fredag.

Hunder gikk til angrep

FENGSLA: Eigaren av desse to hundane blir ikkje sett fri etter at hundane vart stolne frå ein kennel torsdag.

Foto: Odd Rømteland / NRK

Politiadvokat Liv Seland stadfestar overfor NRK.no at hundane ikkje vil bli sett fri.

– Han vil førebels ikkje bli sett fri. Vi har gjort nye avhøyr i dag, men det kom ikkje komme fram noko nytt i avhøyra, seier Seland.

Nektar for tjuveri

Dei to hundane er begjært avliva etter at dei gjekk til angrep og skambeit tre personar i Mandal i juli. Sidan angrepet har hundane site i varetekt i ein kennel.

Torsdag var hundane borte frå kennelen, og politiet arresterte eigaren og sikta han for grovt tjuveri. Hundeeigaren har vore gjennom fleire avhøyr, og nektar for å ha noko med tjuveriet av hundane å gjere. Hundane er framleis ikkje funne.

– Han nektar for å ha noko med tjvueriet av hundane å gjere, seier politiadvokaten.

– Hundane er farlege

Politistasjonssjef Bjart Gabrielsen sa til NRK.no rett etter pågripinga at det er viktig å finne hundane så raskt som råd.

– Politiet meiner dei er farlege og det er difor særs viktig å finne tak i dei så raskt som mogleg, slik at vi ikkje risikerer at det oppstår skade, sa Gabrielsen.

Hundeeigaren er tidlegare sikta for grov uaktsomhet for ikkje å ha kontroll på hundane. Mannen nektar straffeskuld i saka.