23-åringen som eig hundane er arrestert og mistenkt for å stå bak innbrotet. Han er no sikta for grovt tjuveri.
- LES: Skambitt av hunder
– Vi har pågripe hundeeigar. Han er nettopp teke i forvaring hos oss, seier Bjart Gabrielsen ved Mandal politistasjon til Lindesnes.
– Farlege hundar
Tjuveriet vart oppdaga i samband med morgonstellet på kennelen.
– Det er naturleg, etter vår meining, å pågripe hundeeigaren. Vi meiner han bør ha kunnskap om saka, seier Gabrielsen.
– Vi prøvar via ulike kanalar å finne ut kvar hundane er. Politiet meiner dei er farlege og det er difor særs viktig å finne tak i dei så raskt som mogleg, slik at vi ikkje risikerer at det oppstår skade, seier Gabrielsen til NRK.no.
Så langt har politiet ingen spor etter hundane.
BITT: Mor, barn og onkel vart alle kvesta i det grusomme angrepet frå tre hundar i Mandal i juli.
Foto: Thomas Grønvold / NRKBegjært avliva
Tidlegare sa politit at det vil bli teke ut tiltale mot den 23 år gamle hundeeigaren. Hundane hans gjekk til angrep på to vaksne og eit barn og dei tre fekk alvorlege bittskader. Hundane er tidlegare begjært avliva.
– Det vil bli teke ut tiltale etter hundelova, sa politiadvokat Berit Voxen til NRK.no.
Mannen er sikta for grov uaktsomhet for ikkje å ha hatt kontroll på hundane som altså blant anna beit ein 2-åring. Sikta erkjenner ikkje straffeskuld.
23-åringen har bede om at hundane ikkje blir avliva før saka kjem opp i rettssystemet.
Betalingsfrist i dag
Til no har hundane vore oppbevart på ein kennel. Rekninga må hundeeigaren sjølv ta, og han hadde frist til å betale 39 000 kroner torsdag. Hundeeigaren vil bli avhøyrt i løpet av dagen.
– Difor meiner vi det kan ha ein samanheng, utan at vi ha dokumentasjon på det. Vi har valt å pågripe huneeigar og sikte han for grovt tjvueri. Men det betyr ikkje at vi har noko å henge hatten på. Vi byrjar frå ein kant, seier Gabrielsen til NRK.no.
