– Eg føler meg bra. Dette er ein kjempesjanse for meg og familien min. Eg er veldig spent på å gå til København. Eg håpar alt er bra for alle, seier Bolaños til NRK.no.
LES OGSÅ: Bolaños til FCK
LES OGSÅ: Åtte millioner for Bolaños
Midtbanespelaren har i lengre tid ønska seg vekk frå Start. I går leverte costarikanaren årsbeste i 2-3 tapet mot Rosenborg på Sør Arena. Det gjorde at Ståle Solbakken la nok pengar på bordet i forhandlingane med Start i natt.
– Ein stor klubb
– Eg vil til København fordi det er ein stor klubb. Dei skal vere med i Meisterligaen. Alle spelarar vil spele i denne turneringa, seier Bolaños.
Både Vålerenga og Rosenborg har jakta på kantspelaren. Men det var danskane som kom med det beste tilbodet til Start.
LES OGSÅ: Eggen: – Vi var ikke flinke nok
LES OGSÅ: Eggen vil ha Bolaños
– Det er ikkje noko meir å kommentere. Vi var berre ikkje dyktige nok og flinke nok til å få han, sa RBK-trenar Nils Arne Eggen tidlegare i dag.
– Det er klart det er meir gjevt å spele i Meisterligaen enn i Europligaen, seier Eggen.
Europas gjevaste turnering
No ser Bolaños fram til å ta fatt på nye utfordringar i FC København.
– Eg vil jobbe hardt. Sjølvsagt har eg eit mål om å få speletid i Meisterligaen, men det krev hardt arbeid, seier Bolaños.
LES OGSÅ: Bolaños vil bort fra Start
LES OGSÅ: Flere kjemper om Bolaños
Om Bolaños siktar høgare enn FC København i framtida, svarar han følgjande.
– Eg har ambisjonar, men no er eg glad eg får denne sjansen, seier han.
