NRK Meny
Normal

«Signeringsras» i ØIF Arendal

For kort tid sidan var berre ein spelar i ØIF Arendal under kontrakt neste sesong. No har klubben sikra at ei rekkje spelarar blir med.

ØIF Arendal

Eirik Heia Pedersen (t.v.) er den siste som har skrive ny kontrakt med ØIF Arendal. Også Sondre Paulsen, Magnus Jøndal, Kenny Ekman og David Rui har skrive under på nye kontrakter.

Foto: NRK / NTB Scanpix

Den siste som har skrive ny kontrakt er kaptein Eirik Heia Pedersen. Trenar Marinko Kurtovic er godt nøgd med det.

– Vi har hatt mange middels kampar der Eirik har vore den som har gått føre i sluttminutta når mjølkesyra kjem og konsentrasjonen vert svakare. Då går Eirik i bresjen for å krige til at sigeren går i boks. Gang på gang, seier Kurtovic til klubben si nettside.

Måndag offentleggjorde klubben to viktige signaturar. Kantspelarane Sondre Paulsen og Magnus Jøndal har skrive under nye kontakter. Paulsen i to år og landslagsspelar Jøndal eitt år.

I helga signerte stortalentet Sander Simonsen ny kontrakt med serie- og cupmeisteren denne sesongen. I helga knytte Kenny Ekman seg til klubben i ytterlegare ein sesong.

I tillegg har kanspelaren David Rui skrive ei ny kontrakt på eitt år. Det er også klart at Fredrik Langeid (18) blir å finne i svart og raudt neste sesong. Langeid kjem frå Runar.

Før kvartfinalen i sluttspelet mot Runar var det berre Eirik Køpp som var under kontrakt me klubben.