14. september kan du ta ein svipptur innom vinmonopolet før du går til valurnene. Dette er første gang i Noreg, etter at ei ny lovendring har trådt i kraft.
- Sjekk di kommune nedst i saka
Vinmonopolet har sendt førespurnad til alle landets kommunar om å ha ope, der det lokale sjølvstyret må ta stilling til opningstidene. Til no har seks pol i Agder-fylka valt å halde ope på valdagen, noko som har resultert i varierte reaksjonar.
Negativt med stadig liberalisering av alkoholpolitikken
Generalsekretæren i avhaldne-organisasjonen IOGT, Hanne Cecilie Widnes, er skeptisk til den nye ordninga, fordi den viser ei negativ utvikling:
– Isolert sett så er ikkje opne pol på valdagen noko stor utfordring i seg sjølv. Det som er ei utfordring er at dette er eit skritt i ei retning av ei stadig liberalisering av alkoholpolitikken, der alkohol blir endå meir tilgjengeleg på endå fleire område i samfunnet vårt.
- Les også:
– Gått fullstendig ut på dato
Varaordførar i Arendal, Anders Kylland, seier at det var liten tvil då meldinga blei lagt fram for formannskapet.
– Kvifor i all verda skal vinmonopolet vere stengt på valdagen? Eg trur ikkje dette får nokre konsekvensar i forhold til verken valresultat eller andre ting som har med valet å gjere. Det er nok ei gamal regulering som hadde ei hensikt, men som har gått fullstendig ut på dato. For ei stor kommune som Arendal så vil det vere utenkjeleg å skulle halde polet stengt. Det passar ikkje inn i dagens samfunn.
- Les også:
Hjelpe dei som treng det
Vinmonopolet på Brokelandsheia, i Flekkefjord, Lillesand og i Søgne er nokre av dei pola i Agder som skal halde ope på valdagen. Stortingsrepresentant for KrF Aust-Agder, Kjell Ingolf Ropstad, fryktar folk skal kome rusa til valurnene.
– Vi i KrF meiner at det å stemme ved val er ei veldig høgtidleg handling, og at det er alvorleg det ein skal gjere. Grunnen til at vi har restriktive reglar på alkohol i Noreg er at det er nokre få som diverre har utfordringar med det, og at vi andre aksepterer at vi kan ha det litt meir krevjande å få tak i alkohol for å hjelpe dei som treng det.
- Les også:
Urovekkande
Widnes meiner det er urovekkande at alkohol blir meir og meir sjølvsagt for nordmenn:
– Det er interessant at det skal vere så viktig for oss at alkohol er tilgjengeleg på flest mogleg dagar, òg på viktige merkedagar, og for ein del menneske òg til alle døgnets tider. Ein kan jo stille seg spørsmålet korleis dette pregar barn og unge sin forståing av kva plass alkoholen har i vår kultur, når vi vaksne ser ut til å presse på for at alkohol skal vere tilgjengeleg for oss i så mange samanhengar.
- Les også: