Det muslimske miljøet tok i dag farvel med Shadi Omar Kataf. Lenge visste ingen kven han var.
Det var først då ein Dagbladet-journalist byrja eigne undersøkingar at identiteten til asylsøkjaren vart kjent.
Sjølv om ingen i Farsund kjente Shadi Omar Kataf møtte fleire opp for å heidre asylsøkjaren som forsøkte å svømme frå Frankrike til England, men som endte opp på Lista.
- Les også:
– Sterkt
Dagbladet-journalist Anders Fjellberg var den som fann ut kven Shadi Omar Kataf var, og korleis han enda opp på Lista.
– Det eg veit er at han kjøpte ei våtdrakt på ein sportsbutikk i Calais i Frankrike, og at han hadde tenkt å forsøke å svømme til England. Utover det veit vi berre at han blei funne på Lista for litt over eitt år sidan.
Han tykkjer det er trist at ikkje familien kunne vere til stades under gravferda.
– Det er sterkt. Særleg fordi ingen i familien hans har moglegheit til å kome hit. Foreldra er i Syria, og søstera er asylsøkjar i Tyskland og får ikkje lov til å reise ut.
- Les også:
– Godt med ei naturleg avslutning
Lensmann i Farsund, Kåre Unhammer, er glad historia fekk ei ending.
– Dette er ei sak som har vart veldig lenge, og det er godt å få ei naturleg avslutning.
Han rosar arbeidet journalisten gjorde.
– Det er gjort ein fantastisk jobb av Dagbladet-journalisten som fann ut kven han var. Eg tykkjer det var ei fin siste markering.