Han trur at mange kajakkpadlarar har sikkerheitsutstyr med seg i kajakken når dei legg ut på tur.
– Eg trur mange sikkerheitspakkar vert selde utan at kunden eigentleg ikkje har kunnskap om korleis det fungerer. Mange har nok ikkje øvd på å bruke det heller, seier Mortensen til NRK.
Han fryktar at dårleg kunnskap om korleis ein skal komme seg opp i kajakken igjen ved ei kantring, kan få alvorlege konsekvensar.
- Les også: Dette er farene ved kajakkpadling
Samanliknar med skiturar i fjellet
– Du kan samanlikne det med å gå på ski i fjellet. Du har kjøpt skredsøkar og spade. Det hadde ikkje hjulpe meg. Eg er ikkje bevandra på ski og hadde ikkje følt meg trygg, seier han.
– Det kan kanskje gje ein falsk tryggleik om du kjøper sikkerheitspakke til kajakken, som du eigentleg ikkje veit korleis du skal bruke, seier Mortensen.
Pelle Boie er butikksjef ved Padleeksperten i Arendal. Han har tidlegare selt kajakkar i Bergen og merkar stor skilnad på sørlendingar og vestlendingar.
– Det var mykje meir fokus på sikkerheit påg Vestlandet enn på Sørlandet. Det var meir fokus på å gå på kurs og lære av andre, seier han.
– Kvifor trur du det er slik?
– Det har kanskje noko med kulturen å gjere. Det er kanskje litt snillare vêr her. Folk er kanskje ikkje så vande med å komme ut i kuling og to-tre meter høge bølgjer som på Vestlandet, seier Boie.
- Les også: Antall kajakkulykker har økt
Oppfordrar til øving
Øystein Torp jobbar på Redningsskøyta Bernt Rasmussen i Kristiansand. Dei må innimellom hjelpe kajakkpadlarar i trøbbel.
– Utfordringa kan vere viss det er litt sjø og dei skal krysse større avstandar. Då kan vere vanskeleg for enkelte fritidsbåtar å sjå dei, seier han.
Roger Mortensen ber folk trene på å komme seg opp i kajakken igjen.
– Finn ei strand, hopp ut og finn ut korleis du skal komme deg opp i igjen. Det er dumt å finne ut av når du ligg mellom to øyer i ein fjord, seier han.
- Les også: 90 år og padler kajakk hver dag
VIDEO: Sjå og lær padleteknikk.
