- Slik det har utvikla seg måtte det gå som det gjorde. Det var ei familietragedie som fekk dette utfallet.
Det seier biskop og preses Olav Skjevesland til NRK Sørlandet.
- Krevjande
Tidlegare i dag vart det klart at biskop . Baasland og kona hans vart slege personleg konkurs i Stavanger Tingrett i september. Seinare har det komme fram at ekteparet har lånt store pengesummar hos vener og kjende og i finansinstitusjonar. Pengane har gått til å hjelpe sonen Bjarte Baasland som har pådrege seg stor spelegjeld. Skjevesland vedgår at det har vore eit tøff tid.
- For oss i leiarskapet har det vore ei krevjande sak, fordi det er ytterst sjeldan at vi har ei slik sak, seier han.
- Slik situasjonen utvikla seg, er nok dette det riktige. Men mykje godt står att etter biskop Baasland. Han har vore ein plogspiss i kyrkja sitt arbeid i Rogaland. I bispekollegiet har han vore ein medarbeidar med høg teologisk kompetanse og stort engasjement, seier Skjevesland.
Kunnskap
Om Baasland er ferdig i den Norske Kyrkja veit ikkje Skjevesland.
- Han har mykje kunnskap, men kva han skal bruke den på i framtida vil han nok tenke grundig gjennom, seier han.
- Har dette skada kyrkja?
- Det vil eg ikkje dømme. Når ein biskop går frå borde er det alltid ei alvorleg sak. Så korleis folk vurderer det får vere ei personleg avgjerdsle. Men det er klart at dette aldri har vore noko god sak. Dette har vore ei historie om tap frå a til å, seier han.
