– Eg kjenner jo meg litt audmjuk i den situasjonen fylkeskommunen er i der ein må kutte veldig drastisk på veldig mange område. Dei signala vi no får at teateret kan vere skjerma for neste år og i resten av budsjettperioden er ikkje anna enn gledeleg, seier sjef for Sogn og Fjordane teater, Terje Lyngstad.
Han blei ein av vinnarane i budsjettdebatten i kulturutvalet i fylkeskommunen. Politikarane vil skjerme dei to sentrale institusjonane for scenekunst, teateret i Førde og Opera Nordfjord på Nordfjordeid.
– Det er veldig gledelege nyheiter. Eg blei fantastisk glad, og det er eit fantastisk signal til fylkestinget når dei skal fatte den endelege avgjersla, seier operasjef Kari Pavelich.
- Les også:
Men når opera og teater blir verna for kutt er det andre deler av kulturen som må lide for fylkeskommunen sine naudsynte kutt i perioden frå 2015 til 2019. Dei årlege kutta blir 3,6 millionar i 2015, 5 millionar i 2016 og 8,5 millionar i åra 2017 til 2019.
Det er fylkestinget som til sjuande og sist avgjer korleis kutta i den fylkeskommunale drifta vil skje utover dei næraste åra.
- Les også:
- Les også: