Stortingskandidat for Venstre, Sveinung Rotevatn, seier mange trudde på ei avklaring då Nasjonal Transportplan, NTP, vart lagt fram i april. Men den kom ikkje.
– Det er heilt avgjerande for å sikre regional utvikling og knytte regionen saman. Vi ønskjer eit svar og det svaret må vere midtre trase, seier han til NRK.no.
- LES OGSÅ:
- LES OGSÅ:
Krev handling
Neste veke skal NTP opp til handsaming i Stortinget, og no krev Venstre og KrF handling frå regjeringa.
– I denne saka har det vore ulike meiningar og tøffe diskusjonar. No er det tid for å fatte vedtak. Vi må følgje regjeringa si eiga distriktsmelding som seier at vegane skal brukast til å knytte regionar saman, seier Rotevatn.
- LES OGSÅ:
- LES OGSÅ:
Samla front
Også Kristeleg Folkeparti ber om avklaring. KrF-leiar Knut Arild Hareide som er leiar for Stortingets transport- og komunikasjonskomité, er oppteken av at vegen skal bidra til regional utvikling.
– Den regionale nytten for Nordfjord er noko eg trur vil vere viktig når Stortinget skal ta si endelege avgjerd, seier Hareide i ei pressemelding.
Førstekandidat for Sogn og Fjordane KrF, Trude Brosvik, fryktar for konsekvensane dersom kyststamvegen vert lagt inst i nordfjorden.
– Det vil vere sterkt beklageleg dersom E39 gjennom Nordfjord ikkje skal krysse ved Anda-Lote og dermed utløyse størst mogeleg regional utvikling. Eg trudde det var ein av dei viktigaste grunnane til å bygge veg, seier Brosvik.
Høgre går for indre
Ifølgje Fjordingen går no Høgre sentralt inn for indre linje gjennom Nordfjord.
- Eg er glad for avklaringa der Høgre sentralt på denne måten følgjer opp synet til fleirtalet i fylkestingsgruppa, og det som eit stort fleirtal på Høgre sitt fylkesårsmøte i Sogn og Fjordane vedtok, seier stortingsrepresentant Bjørn Lødemel til Fjordingen.
Tunnel gjennom Utvikfjellet, Svarstad-bru og Kvivsvegen er sentrale element i indre E39-linje mellom Byrkjelo og Volda.