Teatersjefen har blitt drapstruga og sjikanert

Terje Lyngstad er i ferd med å gje seg som teatersjef for Sogn og Fjordane teater. I løpet av si tid har han sett opp fleire kontroversielle stykke, og fått harde tilbakemeldingar.

• LES OGSÅ: Gir seg etter 12 år som teatersjef
  
• LES OGSÅ: Desse tre og seks til vil bli ny teatersjef

– Eg har fått telefonar frå folk som både har truga meg på livet, og sagt at eg burde brenne ein viss plass.

– Det var knytte til stykket om Arve Beheim Karlsen, og då vi sette opp stykke om råning, og til slutt justismordet på Viksdalen, kjent som Hetlesaka.

Alle desse teaterstykka ligg nokre år tilbake i tid, og teateret fekk både ros, prisar og kritikk.

Kjenslemenneske

Teatersjefen vedgår at hat, sjikane og drapstrugslar har gått inn på han.

– Ingen er upåverka er tilbakemeldingar som er negative, stygge, harde eller vonde.

– Men når du får telefonar frå folk som vil deg vondt, kva gjer det med deg som teatersjef?

– Som eit kjenslemenneske så lar eg det gå inn på meg, og blir trist og lei meg. Men samtidig fortel slike tilbakemeldingar at det er viktig å gjere det likevel. Så det er begge delar.

• LES OGSÅ: Stort engasjement om framtida til teateret

– Ikkje synd på teatersjefen

Terje Lyngstad er ikkje på jakt etter sympati når han no fortel om drapstrugslane. Han kom inn på temaet då han var med direkte i ettermiddagssendinga på radio for å fortelje om haustprogrammet for teateret.

– Eg har eit avklart forhold til mi eiga rolle. Det er ikkje mykje synd på teatersjefen, sjølv om han får kritikk. Det må ein tole.

– Ein har jo fått det privilegiet å få lage eit kunstnerisk program, og å velje stykke. Når det kjem på scena må ein tole dei tilbakemeldingane som kjem, og ta det ansvaret.

– Er det vanleg at ein teatersjef får drapstrugslar?

– Eg trur ikkje det er vanleg, ler han.

– Men det kan skje når ein set opp stykke med kontroversielle tema. Det har vi sett fleire gonger. Kanskje ikkje med drapstrugslar, men med sjikane.

• LES OGSÅ: Eitt år sidan terrorangrepet - no er han tilbake i Boston for å springe maraton
• LES OGSÅ: Deltok i sitt 75. maraton og sette ny personleg rekord i eit heilt spesielt løp

– Du spring mykje maraton. Er det din måte å avreagere på?

– Ja, kanskje. Det å springe er for meg å ikkje tenkje. Ein god måte å tømme hjernen på er å ta seg ein løpetur. Då får ein litt fri, seier Terje Lyngstad.