Liv Teigen (Foto: NRK)
- Eg meiner at det kunne ha vore resultatet dersom folk tok kontakt med oss tidlegare og drøfta samlivskonflikta si saman med andre, seier leiar av krisesenteret i Sogn og Fjordane, Liv Teigen. På den måten trur ho hjelpa frå krisesenteret kunne ha vore med på å løyse mange fleire konfliktar.
Nedgang frå i fjor
Det er i hovudsak problem rundt samlivsbrot som gjer at folk tar kontakt med krisesenteret i Sogn og Fjordane. Det viser statistikk over året som gjekk. Statistikken viser òg at langt færre tok kontakt med krisesenteret i fjor, i forhold til i 2003. Men Teigen meiner talet på folk som tok kontakt i fjor, på 783, er meir vanleg enn tala frå året før, som var uvanleg høge. Problemet er at folk tar kontakt for seint.
Allereie bestemt seg
- Dei fleste kjem til oss på grunn av samliv som raknar, og vi føler at dei tar kontakt for seint, når det hadde vore grunn til å kome til oss tidlegare, seier Teigen. Ho trur mange framleis vegrar seg for å få hjelp frå krisesenteret, og i staden strever med samlivsproblema på eiga hand.
- Når dei kjem til krisesenteret har dei allereie bestemt seg for at dei skal ut av forholdet, og dette trur eg kunne vore annleis om dei kom til oss før, seier Liv Teigen.