Fransk opning til lita nytte for laget

SOGNDAL (nrk.no): Christophe Psyché gav Sogndal håp om sterke kjensler. Men ei god fransk opning frå debutanten var til lita nytte mot Odd.

Christophe Psyche

FRANSKE KJENSLER: Christophe Psyché jublar etter skåringa. Debutanten lovar god innsats i kampane framover.

Foto: Alf Vidar Snæland / NTB scanpix

Sogndal-trenar Jonas Olsson var glad for at Christophe var speleklar til oppgjeret mot Odd, og den ferske Sogndal-spelaren gjorde jobben på ein dag der mykje butta mot.

Etter 75 minutt sørga han for ulikning til 1-1, og etter kampen var det ein glad målskårar vi møtte. Trass at resultatet enda 1-3 til telemarkingane.

– Det var fantastisk og eg blei svært glad for å kunne utlikne for Sogndal, seier Psyché til NRK.

Måndag fyller han 26 år, og skåringa var nok ei god gåve på førehand til spelaren som kom frå Ham-Kam til Sogndal denne veka.

– Vi må arbeide hardt

Både han og kveldens andre debutant Babacar Sarr fekk meir enn godkjend-stempel etter kampen. Men det første heimetapet sidan 1. mai er surt å svelgje for Sogndal-spelarane.

– No må vi må arbeide hardt på trening og halde fram med å ha eit klart fokus. Når vi får sjansen til å score, så må vi score, og då vil poenga kome. Eg skal halde fram med å spele godt og gjere mitt beste for laget, seier Christophe Psyche.

Jone Samuelsen

SJANSELAUS: Mathias Dyngeland var ikkje særleg nøgd med eigen innsats mot Odd. Her setjer Jone Samuelsen inn 0-1 mot ein sjanselaus keeper.

Foto: Alf Vidar Snæland / NTB scanpix

Trening og atter trening framover

Sogndal spelte ikkje ein dårleg kamp mot Odd, men effektiviteten var slett ikkje bra. Ved fleire høve var heimelaget nær ved å setje ballen i mål, men det var kun Christophe som lukkast med sitt forsøk.

– Vi har jo ein god del store moglegheiter i kampen, men vi er ikkje så effektive. Men det er Odd, så det er berre å gratulere, var Sogndal-trenar Jonas Olsson sin korte kommentar utanfor garderoben etter kampen.

– Men korleis skal de klare å snu denne trenden?

– Trene, trene, trene og trene. Vi veit jo at vi er inne i ein tøff periode og no er det Godset neste, så er det berre å ta tyren ved horna og køyre på.

Mathias Dyngeland etter kampen mot Odd søndag.

SJÅ VIDEO: Mathias Dyngeland etter kampen.

Øya Bremangerlandet vil vere utan veg til fastlandet fram til neste veke.
For han som var sekundar frå å bli treft av steinblokkene, var det ei skremmande oppleving.
Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.