NRK Meny
Normal

Såg at gneisteregn frå kraftlinje starta brannen

Gneistar frå ei kraftline er truleg årsaka til skogbrannen i Vågsøy.

Magnar Nygård blei vitne til brannen i Vågsøy

AUGEVITNE: Magnar Nygård såg gnistar og røyk frå kraftlina bak huset sitt. Han trur dette er årsaka til skogbrannen i Vågsøy.

Foto: Asgeir Reksnes / NRK

– Eg såg gneistar og røyk frå kraftleidninga. Brannen må ha starta der, seier Magnar Nygård.

Han var næraste nabo til brannen som starta i i Vågsøy i dag.

– Det er ei stor steinur bak huset vårt og eg trudde aldri det skulle byrje å brenne her. Det brann alle plassar det kunne brenne, fortel Nygård.

Han priser seg lukkeleg over at den sterke vinden kom frå sør.

– Hadde vinden kome frå nord i staden frå sør, ville brannen gått rett mot husa. Vi hadde flaks.

Kva tenkjer du om innsatsen frå brannvesenet?

– Dei gjorde ein fantastisk jobb då dei greidde å sløkkje brannen.

Ikkje funne feil på kraftlina

Nettdirektør i Sogn og Fjordane Energi,. Asgeir Aase, fortel at dei ikkje har funne noko feil på linenettet.

– Våre eigne folk har undersøkt kraftlina, men vi har ikkje funne noko gale.

Kva kan då vere årsaka til at det har vore sett gneisteregn frå kraftlina?

– Det kan ha vore ein forbigåande feil på lina. Det kan til dømes vere at ein fugl har treft lina og at det har skapt gneistar, seier han.

Vegopning på Bergum i Førde kommune