Rudolfsen klar til neste helg

Joakim Rudolfsen har ikkje fått den starten i Sogndal-trøya han hadde håpa på.

Joakim Rudolfsen

Joakim Rudolfsen har starta nedtellinga. Neste helg er 24-åringen attende etter skade.

Foto: Mo IL

Nordlendingen scora i debuten mot Tromsdalen. Sidan er det blitt tre kampar som innbyttar, og tre av dei siste kampane før ferien frå start.

Eit trøblete "jumpers knee" er årsaka.

- Det har vore tøft. Ein håpar alltid på ein god start, men rett før ferien fekk eg ein belastningsskade, seier 21-åringen.

(Artikkelen held fram under TV-innslaget)

Video Sogndal-Strommen 5-1

SJÅ: Sogndal - Strømmen 5-1.

- No ser det bra ut

Målkallaset mot Strømmen måtte Rudolfsen sjå frå sidelinja. Med berre to balløkter i beina etter ferien, vart oppgjeret i tidlegaste laget. No siktar han seg inn mot bortekampen mot Sarpsborg 08 kommande helg.

Då er også vaimingen Vegar Gjermundstad klar til kamp .

- Eg har gledd meg til å spele att. Og no ser det veldig bra ut for oss. Med unntak av meg og Harald Stormoen, er ingen skadde, legg Rudolfsen til.

Tenker ikkje opprykk

Rudolfsen spelte 2. divisjon med Mo i fjor. Til neste år kan det bli Eliteseriespel med Sogndal.

Med sesongen halvspelt, leiar saftlaget divisjonen med fire poeng på tabelltoar Fredrikstad. Det er ni poeng ned til Ranheim på kvalifiseringsplass. Ranheim rett nok med ein kamp mindre spelt.

- Vi er berre halvveges i sesongen. Det er mange kampar att, så opprykk er ikkje noko tema for oss. Men vi er i ein god steam som vi må halde på, seier angripsspelaren.

Atle Steinar Solheim vart overraska med nyheita om at han er ein av fem nominerte
Over 80 barn var samla på Jølstraholmen for å tjuvstarte adventstida med pynting av pepperkakehus.
Å levera lekser på nett er ikkje lett når internett-tilgangen er dårleg. 
Men det ER realiteten for mange skuleelevar i distrikta. 
Skilnadane er store, trass i at bruk av data får ein stadig større plass i skulen.