– Eg var heilt sikker på at det var tippeligasesongen som skulle starte, så det hadde vore fint å sjå folk i fotballutstyr, seier Alf Edvard Masternes.
Han er leiar av supporterklubben Isberget, som støttar fotballaget Tromsø IL.
– Då eg først såg biletet, trudde eg det var ein i Sogndal som var same. Men eg har forstått i ettertid at det ikkje stemmer. Dersom det var meint som ein provokasjon, har dei bomma, seier han.
- LES OGSÅ:
Biletet av Sogn Avis-redaktør Jan Inge Fardal i samedrakt var på framsida av magasinet «Bygdi og badl». Magasinet er utgitt av Sogn Avis i samarbeid med Sogndal Fotball.
Biletet er tatt i samband med tippeligastarten denne helga, der Tromsø kjem på besøk til Sogndal.
(Artikkelen held fram under biletet)
Bikini neste ...?
Fardal fortel at grunnen til at dei valde dette biletet, var å skape merksemd, og lage eit tydeleg skilje mellom nord og sør.
– Det var ikkje meint som provokasjon, men som eit artig stunt. Det var gjort med glimt i auga, seier han.
Han trur det hadde vore meir unaturleg å nytte ei Tromsø-drakt enn samedrakt på biletet.
– Eg vil ikkje nytte andre drakter enn Sogndal Fotball. Eg trur folk hadde vorte meir provosert då, seier redaktøren.
Magasinet kjem ut tre til fire gongar i året, og Fardal lovar fleire kontroversielle bilete.
– Neste gong blir det kanskje bikini!
- LES OGSÅ:
- LES OGSÅ:
Ville ha vist meir respekt
Masternes seier at han ikkje har sterke kjensler for stuntet, men han ville ikkje gjort noko liknande sjølv.
– I respekt for sogningane, så ville ikkje eg brukt sognebunaden når eg ikkje høyrer til distriktet, seier han.
Og han veit kva klede han vil nytte på sundag.
– Det er jo tippeligaen som sparkast i gong, og på søndag skal vi møte Sogndal. Eg skal i alle fall ha på meg TIL-trøya når eg står på Fosshaugane, seier Tromsø-supporteren.
- LES OGSÅ:
- LES OGSÅ: