Quizen er ei ganske lett blanding, der storparten av spørsmåla er knytt til Sogn og Fjordane, kommunane i fylket og personar som har tilknyting til våre fjell og fjordar.
Sett deg gjerne saman med nokon andre og finn fram penn og papir. Notèr ned første bokstaven i svaret, og alle bokstavane blir til eit løysingsord. Det sender du inn i svarboksen nedst på sida.
Vi plukkar ut ein vinnar kvar dag som får ein sekk med julegodis. Av alle dei som sender inn rett svar i løpet av romjula og nyttårshelga plukkar vi ut ein vinnar som får ein DAB-radio.
Her er dagens quiz:
- Ifølgje ordføraren er det ingenting gale med mannfolka i Solund. Likevel er kommunen ein av dei åtte kommunane i landet med færrast – kva for noko?
- Styreleiaren i Fjord1 var blant dei som trekte seg etter at fylkespolitikarane i november gjekk inn for å selje sine Fjord1-aksjar. Kva heiter styreleiaren til førenamn?
- Kva heiter musikkfestivalen som blir arrangert i Skjerjehamn i Gulen kvar sommar?
- Senterpartiet gjorde eit brakval i Årdal i haust. Men eit lite parti sette ein stoppar for at Sp fekk ordføraren. Kva heiter det vesle partiet?
- Om du skal til Hisarøy i Gulen må du ta ei litt spesiell ferje, kva type ferje?
- Utbygginga i Engebøfjellet har ikkje berre skapt splid i Naustdal. I kva kommune på andre sida av fjorden har saka også splitta folket og politikarane?
- Stadhavet er kjent for sine tøffe vêrforhold. Heilt ute mot det opne havet ligg det eit fyr som er blant dei mest spektakulære turistmåla langs kysten i fylket. Kva heiter fyret?
- Bedrifta i Nordfjord sender ut nær ein million julekort i desember, kva heiter dei?
Fristen for å sende inn rett svar er ved midnatt same dag som quizen er lagt ut.
Om du ikkje får skjemaet til å fungere kan du sende løysingsordet saman med namn og adresse til konkurranse.sfj@nrk.no
Lykke til!