Quizen er ei ganske lett blanding, der storparten av spørsmåla er knytt til Sogn og Fjordane, kommunane i fylket og personar som har tilknyting til våre fjell og fjordar.
Sett deg gjerne saman med nokon andre og finn fram penn og papir. Notèr ned første bokstaven i svaret, og alle bokstavane blir til eit løysingsord. Det sender du inn i svarboksen nedst på sida.
Vi plukkar ut ein vinnar kvar dag som får ein sekk med julegodis. Av alle dei som sender inn rett svar i løpet av romjula og nyttårshelga plukkar vi ut ein vinnar som får ein DAB-radio.
Dagens quiz:
- Eit ektepar i Luster opna i desember ein fabrikk som er den einaste av sitt slag i fylket. Kva produserer dei?
- Institusjonen i Sogn feira i sommar 150 år. No jobbar dei hardt for å overtyde sentrale politikarar om at dei må få utvide med 30 plassar. Kva institusjon er vi ute etter?
- Malakoff avslørte like før jul at dei har lokka ein av dei største rockepunk-legendene til Eid neste sommar. Kven er det som kjem?
- Ferjeselskapet fann i sommar fleire trusselbrev i tette toalett på ferja Ampere. Kva heiter selskapet?
- Midtstopparen frå Vadheim var med då EM-draumen brast for Norge etter tapet mot Ungarn i midten av november. Kva heiter han til førenamn?
- Kva heiter mineralet Nordic Mining vil vinne ut i Engebøfjellet i Naustdal?
- Ho har vore varaordførar i Høyanger, og sit no som medlem i Næringskomiteen på Stortinget for Sogn og Fjordane Ap. Kva heiter ho til førenamn?
- Sigrid Moldestad er ei av dei største musikalske stjernene i fylket. Kor kjem ho frå?
- Kva heiter laget Sogndal skal møte i første kamp i eliteserien i mars?
- Kor mange representantar har SV i fylkestinget? (Skriv svaret med bokstavar).
Fristen for å sende inn rett svar er ved midnatt same dag som quizen er lagt ut.
Om du ikkje får skjemaet til å fungere kan du sende løysingsordet saman med namn og adresse til konkurranse.sfj@nrk.no
Lykke til!
- Her finn du alle svara:
