Opptur for Karoline Erdal

– Eg er sliten, men har likevel ei veldig god kjensle no. Det seier Karoline Erdal frå Førde. Ho vann både sprinten i går og fellesstarten i dag under noregscupen i skiskyting for juniorar på Ål.

Karoline Erdal

GLAD: Karoline Erdal vann to noregscup-renn denne helga.

Foto: Roald, Berit / NTB scanpix

Under særs utfordrande vindforhold i sprinten i går var det mange bom på dei fleste. Karoline Erdal takla forholda best og drog sigeren i land.

– Eg fekk ned åtte blinkar. Og det er eg særs nøgd med ut frå forholda, seier ei glad skiskyttarjente.

Ho fortel at ho i dagens fellesstart skaut bra på dei tre første skytingane, men at ho fekk tre bom på siste skyting.

– Det var ikkje heilt bra. Eg var nok ikkje heilt på hogget der, seier Erdal sjølvkritisk.

Men så gjekk det ikkje så gale likevel.

Ho som kom på andre plass i går gjekk ut framfor meg, men eg klarte å ta ho igjen og kom først i mål, fortel Erdal.

– Det var veldig moro å klare det. Men det vart tungt. Veldig tungt, seier ho.

Sesongstart skiskyting 2016 på Sjusjøen.

PRESS: Karoline merkar at folk har forventningar til ho. Og då vil ho vise seg verdig dei plasseringane ho tidlegare har klart.

Foto: Roald, Berit / NTB scanpix

Jobbar med nervane

Trass i at kroppen er sliten er det kanskje ikkje den som er mest utfordrande for ein ung skiskytar.

– Eg merka at eg var nervøs før rennet. Sjølv om det berre er eit norgescuprenn, så kjennast det ganske stort å skulle vere med på desse renna. Det er stor konkurranse og mange gode utøvarar, og då er det moro å vise at ein hevdar seg på landsbasis, seier ei ærleg Karoline Erdal.

Og nettopp det at ho har gjort det godt i det siste kan faktisk vere med på å gi ho meir å tenkje på før eit renn.

– Eg har hatt ein god sesongstart og derfor kjenner eg på presset om å prestere. Eg vil bevise at eg er verdig all den merksemda eg får i samband med denne idretten. Derfor var det veldig moro å klare å få det til i renn denne helga, seier Erdal.

Øya Bremangerlandet vil vere utan veg til fastlandet fram til neste veke.
For han som var sekundar frå å bli treft av steinblokkene, var det ei skremmande oppleving.
Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.