Selskapet som skal ha hovudkontor på Sandane, skal syte for at verdiane blir verande på Vestlandet, seier konsernsjef Ole Schanke Eikum i Sogn og Fjordane Energi.
Sju selskap står bak
Ole Schanke Eikum.
Dei sju kraftselskapa som står bak Vestavind Kraft AS er Haugaland Kraft i Rogaland, Sunnhordland Kraftlag og BKK i Hordaland, Sognekraft, Sunnfjord Energi og Sogn og Fjordane Energi i Sogn og Fjordane og Tafjord Kraft i Møre og Romsdal.
-Vindkraftanlegg har store mogelegheiter på kysten av Vestlandet, og styresmaktene ynskjer meir fornybar energi, fortel Ole Schanke Eikum, som har tru på at vindkraft skal bli meir vanleg enn i dag.
Vestavind Kraft AS skal ha hovudkontor på Sandane, og det betyr nye og sårt tiltrengde arbeidsplassar til Gloppen.
Berre eitt anlegg i dag
Sogn og Fjordane har så langt berre eitt vindkraftanlegg i drift. Det er fem vindmøller på Mehuken i Vågsøy.
NVE har i tillegg fått melding om planer for 14 møller på Bremangerfjellet, inntil 16 møller på Okla i Selje, inntil 30 møller på Setenesfjellet i Gulen og utviding på Mehuken med åtte nye møller.