– Vi som er ute og treffer på dei folka som har vore uheldige og køyrt på seier at skilta om lag går i eitt med naturen. Det som ofte skremmer oss litt er at det faktisk kan vere lokalfolk som køyrer der, og som veit at det er mykje dyr som trekker over vegen. Likevel greier dei å køyre på dei, seier Rudi Sønnervik i Norges jeger- og fiskarforbund (NJFF) til NRK.
Han er prosjektleiar for arbeidet med å drive ettersøk etter hjortevilt og andre dyr som blir påkøyrde i trafikken. No krev han at noko blir gjort for å få ned talet på viltpåkøyrslar. Berre i Sogn og Fjordane er det fleire hundre tilfelle kvart år.
- Les også:
- Les også:
Veit kvar hjorten trekkjer
– Det må vere Statens vegvesen sitt ansvar i samarbeid med kommunane. Dei sit jo inne med all informasjon om dei mest råka områda i sin kommune, så det er jo ikkje problem med å finne ut kvar dyra trekkjer og kvar dei verste påkøyrslestadane er, seier Sønnervik.
Statens vegvesen har dei siste åra satsa mykje på å sikre særleg utsette område, mellom anna mellom Vadheim og Lavik på E39. Der har ein mellom anna reinska terrenget langs vegen for å gje betre sikt.
Trur ikkje det vil fungere
Viltkontakt i vegvesenet, Ann Kristin Nes, er samd i at det må gjerast meir for å ta vare både på bilistar og dyr, men fleire område med sensorvarsling har ho ikkje tru på.
– Det har vore prøvd ein del med sensorar i høve dyr i rørsle, men det har vel heller vore dårlege resultat. Dei slår ut når det er dyr og ikkje. Det har ikkje heilt kunne vere til stole på. Vi ser heller føre oss ei varsling som er programmert i høve den statistikken ein har på dei ulike stadane, seier Nes til NRK.
Rådyre ulukker
Informasjonssjef i Gjensidige, Arne Voll, peikar på at kollisjonar mellom dyr og bil kostar samfunnet dyrt. Forsikringsbransjen betalar ut om lag fem millionar kroner årleg i skadeoppgjer etter slike uhell og ulukker i Sogn og Fjordane.
– Det kan virke som at bilistane ser seg blind på desse skilta. Skilta står der ikkje til pynt og får ein hjort på panseret så kan det bli veldig store skadar, seier Voll.
Sjekk tala frå din kommune
(Tal frå Finans Norge)