Men no er arbeidsløysa så låg at det skaper problem for bygg- og anlegg og industrien. Det seier fylkesarbeidssjef Frode Henden.
- Det vil krevje meir av oss for å finne kvalifisert arbeidskraft for spesielt verkstadindustrien, seier han.
- Vanskelegare
Og det merkar administrerande direktør ved Kleven Florø, Gustav Johan Nydal. I løpet av året skal han auke arbeidsstokken frå 100 til 300. Til no har han tilsett om lag 150 mann. - Det har gått greitt, men no er det vanskelegare, seier han.
Få ledige industriarbeidarar
For statistikken til fylkesarbeidssjefen viser at det er størst behov for folk innan bygg- og anlegg og industrien. Av dei 1089 personane som er ledige i Sogn og Fjordane, er svært få industriarbeidarar. I tillegg må Kleven Florø konkurrere med andre verft.
To prosent
Fylkesarbeidssjef Frode Henden seier han aldri hadde trudd arbeidsløysa skulle kome ned på to prosent allereie i oktober. - Etterspurnaden er stor over det heile. Vi kan godt seie at det går så det griner, seier han.