– Eg ønskjer å fly mindre, men kanskje eg ikkje greier det, seier Henning Norheim.
Han har nettopp landa med morgonflyet på Sogndal lufthamn Haukåsen, og seier han kjenner litt på den såkalla «flyskamma».
Flytrafikken bidreg til store klimagassutslepp globalt. Til dømes slepp ein person som flyr tur/retur Oslo-Beijing ut over , alt etter korleis ein reknar.
Men verken ordet «flyskam» eller all merksemda fly og klima har fått, ser ut til å påverka folk til å faktisk fly mindre i nemneverdig grad.
I Nord-Noreg viser ferske meiningsmålingar at tre av fire nordlendingar ikkje kjenner på flyskam.
Tal frå Avinor viser at det til og med juli i år var ein halv prosent fleire passasjerar innom norske flyplassar enn same periode i 2018.
– Folk reiser som før. Det har skjedd veldig lite endring i nordmenns reisevanar med fly dei siste fire–fem åra, fortel Harald Thune-Larsen, som er forskar ved Transportøkonomisk institutt.
Status quo
Sjølv om det er ein liten vekst, er den likevel mindre enn den har vore dei føregåande åra. Innanlandstrafikken har sokke med 0,4 prosent, men utanlandstrafikken har auka litt meir.
FORSKAR: Harald Thune-Larsen ved Transportøkonomisk institutt.
Foto: Svein Erik Dahl– På kort sikt er det ein tendens til at trafikkveksten innanlands har falt litt dei siste månadane, men det er for tidleg å seia noko om kvifor, seier Thune-Larsen, og trekk fram blant anna SAS-streiken som ein mogleg faktor.
Han trur ikkje det er klimasamvitet vårt som gjer at veksten har stagnert. Heller økonomien og .
– Me såg det same etter oljekrisa i 2014 og 2015. Då sank krona i verdi. Sidan då har me sett ein stagnasjon. Me reiser om lag like mykje, som då, men heller ikkje så mykje meir, seier han.
Flyselskapa aukar på
– Aldri før har så mange reist med SAS i juni og juli.
NORWEGIAN: Lasse Sandaker-Nielsen er informasjonsdirektør i Norwegian.
Foto: Jim Anderson/Boeing Photographer / Norwegian– Folk flyr som aldri før. Me har passasjerauke stort sett kvar månad.
Utsegna er frå Knut Morten Johansen og Lasse Sandaker-Nielsen, kommunikasjonssjefar i SAS og Norwegian. Dei kan melda om eit bra 2019 så langt.
– Sjølvsagt er folk meir bevisste på dette. Me gjer det me kan, og det er å investera i ei ny flyflåte. Det som bidrar mest på kort sikt er å investera i nye fly. Me har redusert utsleppa per passasjer på 30 prosent sidan 2008, seier Sandaker-Nielsen i Norwegian.
