– Veldig forfriskande. Ein får ro i sjela her, seier Kjersti Urne.
Berre ein svær kai og nokre gamle hustufter minner om eit hektisk gruvesamfunn med 400 arbeidarar i Kinsedalen. Her, på austsida av den grøne Lustrafjorden, har den moderne tida spurta frå grenda. Uansett kva mobiloperatør eller leverandør av mobilt breiband du har, dekninga er null, niks, nada.
Men denne helga er folketalet på tre meir enn femdobla i den fredelege og einbølte bygda.
For andre året på rad arrangerer Urne og Gøran Johansen Yogarden. Grenda er perfekt for ei av dei mest populære treningsformene, yoga.
- Les også:
– Det er så roleg og fredeleg. Det er kjempegodt å vere her. Luster er verdas beste plass å vere. Så friskt og forfriskande. Når du hoppar i fjorden er det som om du er fødd på ny når du kjem opp att, smiler Urne.
Urne og Johansen møttest på arkitektskulen og har begge eit nært forhold til kommunen.
Ho med bestemor og ei rekkje barndomsminne frå Luster. Han med ein familiegard han ynskte å ta i bruk.
- Les også:
Då begge også er glade i å arrangere ting, kom Yogarden i stand i fjor. Torsdag køyrde nye 14 deltakarar i land på Urnes, klare for ei yogahelg i den vakraste vestlandsnatur.
– Det er ein perfekt avtale, smiler Urne som har drive med yoga i mange år.
Yoga har siste åra falle noko i popularitet, men er framleis på
. Det er eit omfattande og variert treningssystem både fysisk og psykisk.- Les også:
På Yogarden får deltakarane tre yogaøkter dagleg. Dei får vegansk mat på bordet, sosialt samvær, konsert og utforsking av fjellområda.
– Det er første gang eg er på yogaretreat og første gang eg er her. Eg har berre vore her eitt par dagar, men det er veldig idyllisk, seier Guro frå Bergen.
Ho let seg lokke av bileta frå fjorårets yogaleir.
– Det verka kjempegøy, så dette vil eg prøve, seier ho.
Då NRK vitja yogaleiren fredag, var det duka for yoga på kaien nede ved fjorden.
- Les også:
- Les også:
– Den siste økta var ganske hard, så vi vart sveitte alle saman og tok oss eit bad, gliser Guro.
Nokre av deltakarane søv i telt på garden. Andre har fått seng i huset. Yogaøktene med Martine Baade Sandal og Hildur Thoransen føregår i låven, på kaien eller på fredelege Kvekenstølen.
Nokre dagar heilt utan mobil og byens mas og jag passar henne heilt perfekt.
– Vi har vore kjempeheldige med vêret og hatt to fine yogaøkter i dag. Det flottaste med å vere her er nok yoga. Og det å vere på ferie, gliser ho.