Med tema som fylkeskommunal økonomi og flyktningkrisa, skal debattleiar Erlend Blaalid Oldeide lose lyttarane gjennom ein time med avsluttande debatt.
– Det er mange viktige spørsmål i årets valkamp, og i dag møtest alle dei som har ein draum om å bli ordførar i fylket vårt. Ikkje minst Jenny Følling og Åshild Kjelsnes som kjem til å knive mot kvarandre om denne posisjonen, seier Oldeide.
Debatten kan du høyre direkte på P1 Sogn og Fjordane, eller på nettradio. Etter debatten vil vi også leggje ut eit opptak på nettsidene våre.
Desse skal debattere på direkten i ettermiddag:
- Åshild Kjelsnes (Ap), sitjande fylkesordførar
- Jenny Følling (Sp), sitjande fylkesvaraordførar
- Noralv Distad (H)
- Jakob Andre Sandal (SV)
- Gunhild Berge Stang (V)
- Frank Willy Djuvik (FrP)
- Trude Brosvik (KrF)
Har du synspunkt på det som kjem fram i debatten? Legg dei ut på sosiale medium og merk innlegga dine med #nrksf og #nrkvalg!
Miljøpartiet Dei Grøne, Raudt, Kystpartiet og Dei Kristne stiller også til val på fylkestinget, men dei deltek ikkje i debatten i ettermiddag.
