– Ramsland er ein viktig spelar for oss og då vi måtte bytte han ut endra det kampen. Han er ein av dei viktigaste spelarane vår. No må vi utpå og prøva å vinna andre omgang, seier Sogndal-trenar Eirik Bakke til Eurosport i pausen.
Martin Ramsland måtte av med skade etter ein halvtimes spel og til Eurosport seier Ramsland at det kan vera eit brot i ribbeinet.
Før kampen ligg Vålerenga på 15.-plass med berre ein siger på sine første fem kampar. Sogndal på si side står med fire poeng og har berre ein siger så langt i sesongen.
Sogndal-trenar Eirik Bakke gjer to endringar frå laget som spelte 1–1 mot Strømsgodset. Lars Christian Kjemhus og Bendik Bye kjem inn for Chidiebere Nwakali og Eirik Schulze.
Desse 11 startar kampen for Sogndal:
Mathias Dyngeland, Eirik Bergum Skaasheim, Bjørn Inge Utvik, Christophe Psyche, Victor Grodås, Gilbert Koomson, Henrik Furebotn, Eirik Birkelund, Lars Christian Kjemhus, Martin Ramsland, Bendik Bye.